نئی دہلی :
یو آئی ڈی اے آئی 5 سال سے کم عمر کے بچوں کے لئے نیلے رنگ کا آدھار کارڈ جاری کرتا ہے ۔ کوئی بھی والدین اپنے بچوں کے لیے 12 ہندسہ کا آدھار نمبر لے سکتے ہیں ۔ اس کے لیے بچے کی پیدائشی سرٹیفکیٹ اور ماں یا باپ میں سے کسی ایک کا آدھار نمبر ضروری ہے ۔
اب بچوں کے لئے آدھار کارڈ بنانے کا عمل آسان ہو گیا ہے۔ یو آئی ڈی اے آئی نے بچوں کا آدھار بنوانے کے لیے پیدائشی سرٹیفکیٹ کی لازمیت کو ختم کردیا۔ یو آئی ڈی اے آئی نے کہا ہے کہ اب صرف اسپتال کی ڈسچارج سلپ سے ہی بچوں کا آدھار کارڈ بنوایا جا سکتا ہے ،حالانکہ ماں یا باپ میں سے کسی ایک کا آدھار ہونا ضروری ہے ۔یو آئی ڈی اے آئی نے اپنے آفیشیل ٹوئٹر ہینڈل سے یہ معلومات دی ہے۔
یو آئی ڈی اے آئی کا کہنا ہے کہ بچوں کے آدھار کے لئے فنگر پرنٹ یا آنکھوں کی پتلی کو اسکین نہیں کیا جاتا ہے۔ صرف بچے کی تصویر لی جاتی ہے۔ جب بچہ 5 سال کی عمر پوری کرلیتا ہے ، تب اس کی بایومیٹرک شناخت لی جاتی ہے۔ 5 سال کی عمر کے بعد بچے کے آدھار میں بایو میٹرک کو اپ ڈیٹ کرانا ضروری ہے۔
ماں – باپ اپنے بچوں کے آدھار کے لیے آ ن لائن اور آف لائن دونوں طریقوں سے آدھار بنوا سکتے ہیں۔ آف لائن کے لیے والدین کو نزدیکی اینرالمینٹ سینٹر پر جا کر فارم بھر کر دینا ہوگا ۔ اس کے ساتھ اسپتال کی ڈسچارج سلپ اور ماں یا باپ کے آدھار کی جانکاری دینی ہوگی۔
بچے کا آدھار آن لائن بنوانے کے لیے سب سے پہلے ویب سائٹ uidai.gov.in پر جائیں ۔ یہاںآدھار کارڈ رجسٹریشن لنک پر کلک کریں۔ یہاں بچے کا نام ، ماں یا باپ کا فون نمبر ،ای میل آئی ڈی اور دیگر جانکاری بھریں۔ اس کے بعد اپنا ایڈریس بھریں ۔ اس کے بعد فکس اپوائنمنٹ آپشن پر کلک کریں ۔ یہاں اپنی سہولت کے مطابق تاریخ اور قریبی آدھار اندراج کے مرکز کا انتخاب کریں۔ آن لائن فارم جمع کرنے سے پہلے بچے کا نام ، تاریخ پیدائش اور دیگر تفصیلات اچھی طرح چیک کریں۔ تاہم ، کوئی بھی گڑبڑی ہونے پر بعد میں درست یا اپ ڈیٹ بھی کیا جا سکتا ہے ۔
