ایرانی وزیرِ خارجہ عباس عراقچی نے بدھ کے روز ٹیلی ویژن پر نشر ہونے والے تبصروں میں کہا کہ امریکی صدر ڈونلڈ ٹرمپ کا ایران کی علماء کی سٹیبلشمنٹ کے نام خط "جلد ہی ایک عرب ملک تہران کو پہنچائے گا۔”
ٹرمپ نے کہا کہ انھوں نے ایک خط بھیجا تھا جس میں ایران کو نئے جوہری معاہدے پر مذاکرات میں شامل ہونے پر زور دیا گیا۔ اس کے بعد ایران کے راہنمائے اعلیٰ علی خامنہ ای نے گذشتہ ہفتے کہا تھا کہ تہران کو زبردستی مذاکرات کے لیے مجبور نہیں کیا جا سکتا۔
ایران کے جوہری پروگرام پر بدھ کے روز بند کمرے میں اقوامِ متحدہ کی سلامتی کونسل کا اجلاس ہوا جس پر ردِ عمل ظاہر کرتے ہوئے عراقچی نے کہا، یہ اجتماع ایک "نیا اور عجیب و غریب عمل تھا جو اس کی درخواست کرنے والی ریاستوں کی خیر سگالی پر ایک سوالیہ نشان ہے۔”ایران کی جانب سے ہتھیاروں کے درجے کے قریب یورینیم کے ذخیرے میں توسیع کے معاملے پر اجلاس کی درخواست کونسل کے 15 میں سے چھے ارکان فرانس، یونان، پاناما، جنوبی کوریا، برطانیہ اور امریکہ نے کی تھی۔
عراقچی نے کہا کہ ایران جلد ہی جوہری معاہدے میں شامل یورپی طاقتوں فرانس، برطانیہ اور جرمنی کے ساتھ مذاکرات کا پانچواں دور کرے گا اور اس نے جمعے کے روز بیجنگ میں دیگر ارکان روس اور چین کے ساتھ بھی ملاقات کی تصدیق کی۔
عباس عراقچی نے کہا،ایک عرب ملک ٹرمپ کا خط تہران کو پہنچائے گا
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔