"مشرقِ وسطیٰ سے ایک لیٹر تیل بھی نہیں گزرنے دیں گے- ٹرمپ کو ایران کی جوابی دھمکی

ایرانی پاسدارنِ انقلاب نے امریکی صدر ڈونلڈ ٹرمپ کے بیان پر ردِعمل دیتے ہوئے کہا ہے کہ ’جنگ کے خاتمے کا فیصلہ ہم کریں گے۔‘واضح رہے کہ اس سے قبل امریکی صدر ٹرمپ کی جانب سے کہا گیا تھا کہ ایران میں جنگ جلد ختم ہو جائے گی۔
خبر رساں ادارے رائٹرز کے مطابق پاسدارانِ انقلاب نے کہا کہ ’اگر امریکہ اور اسرائیل کے حملے جاری رہے تو تہران خطے سے ’ایک لیٹر تیل‘ بھی برآمد ہونے نہیں دے گا۔‘
آبنائے ہرمز کے حوالے سے بڑھتی ہوئی کشیدگی کے باعث تیل کی قیمتوں میں اتار چڑھاؤ دیکھنے میں آ رہا ہے۔ یہ آبی گزرگاہ عالمی توانائی کی منڈی کے لیے انتہائی اہم ہے کیونکہ دنیا میں تقریباً پانچ حصے خام تیل آسی تنگ سمندری راستے سے گزرتا ہے۔
ایک اور بیان ہے ان کا کہنا تھا کہ آبنائے ہرمز سے گُزرنے کی اجازت صرف اُس ملک کو دی جائے گی کہ جو اپنے مُلک سے امریکہ اور اسرائیل کے سفیر کو مُلک بدر کرے گا۔‘
ایران کی سرکاری خبر رسان ادارے ’اسنا‘ کی جانب سے ایکس پر جاری ایک بیان میں ایرانی پاسدارانِ انقلاب کی جانب سے جاری بیان کو شئیر کیا گیا ہے جس میں ’ایرانِ پاسدارانِ انقلاب نے کہا ہے کہ کوئی بھی عرب یا یورپی ملک جو اپنے ملک سے اسرائیل اور امریکہ کے سفیروں کو نکال دے گا، انھیں کل سے آبنائے ہرمز سے گزرنے کے لیے مکمل اختیار اور آزادی حاصل ہوگی۔‘
دوسری جانب امریکی صدر ڈونلڈ ٹرمپ نے ایران کو آبنائے ہرمز میں جہاز رانی میں خلل ڈالنے کے حوالے سے خبردار کرتے ہوئے کہا ہے کہ ’اگر ایران نے ایسا کوئی اقدام کیا جس سے آبنائے ہرمز میں تیل کی ترسیل رک جائے، تو اسے انتہائی شدید کارروائی کا سامنا کرنا پڑا گا۔‘