احمد آباد:( پریس ریلیز)
2008 میں احمد آباد میں ہوئے سلسلہ واربم دھماکے اور سورت شہر میں غیر پھٹے ہوئے دھماکوں کی مشترکہ کیس کی سماعت جو کہ طویل عرصے سے احمد آباد خصوصی عدالت میں جاری ہے ،فیصلہ کن مرحلے میں داخل ہو چکی ہے ، فریقین کی بحث و جرح مکمل ہو چکی ہے اب عنقریب فیصلہ آنے کی امید کی جا رہی ہے ، اس دھماکہ میں جملہ 56 لوگ ہلاک اور 240 لوگ زخمی ہوئے تھے ،ملزمین کے خلاف 35 ایف آئی آر درج کئے گئے تھےجس کا سیشن کیس نمبر 38/2009 ہے یہ ملک کی تاریخ کا سب سے سنگین اور طویل مقدمہ ہے جس میںلاکھوں صفحات پر مشتمل چارشیٹ ہیں ،2 ہزار سے زائدسرکاری گواہان نامزد کئے گئے تھےجن سے 1163 گواہان کی گواہی لی گئی اور جرح کی گئی ہے ،اس بات کی اطلاع آج یہاں اس مقدمہ کو قانونی امداد فراہم کرنے والی تنظیم جمعیۃ علماء مہا راشٹر کے صدر مولانا حافظ محمد ندیم صدیقی نے دی ہے ۔
مزید تفصیلات دیتے ہوئے انہوں نے بتایا کہ 2008 میں ہوئے سلسلہ وار بم دھماکہ اور شہر سورت میں درختوں اور اسٹریٹ لائٹ پولوں پر لٹکا کر بموں کی نمائش کے سلسلہ میں درج الگ الگ ایف آئی آر ہیں اس مقدمہ میں ملک کے الگ الگ حصوں سے بے گناہ مسلم نو جوانوں کو ملزم بنایا گیا ہے،اور ان پر ملک کے خلاف سازش ، دہشت گردانہ کاروائی انجام دینے ،یو اے پی اے جیسی سنگین ترین دفعات کے تحت مقدمہ درج کیا گیاہے ،اس کیس کا افسوک ناک پہلو یہ ہے کہ گجرات پولیس نے مختلف ریاستوں سے باضابطہ تحریری طور پر درخواست کرکے جیلوں میں بند اور مخصوص تنظیموں سے منسلک ہو نے کا الزام عائد کئے ہوئے نو جوانوں کی فہرست منگوائی اور جواب پاتے ہی ان ریاست کے مسلم نو جوانوں کو ملزم بنا دیاجو اب تک جیل کی سلاخوں میں پڑے ہوئے ہیں۔
اس کیس میں پھنسائے گئے ملزمین 2008 سے اب قید و بند کی صعوبتیں جھیل رہے ہیں اور انتہائی پر مشقت زندگی گذار نے پر مجبور ہیں جمعیۃ علماء مہاراشٹر ان ملز مین میں سے محمد اسماعیل عرف عبد الرزاق،افضل عثمانی ، ،یاسین فرید خان ،محمد سمیع باگے واڑی ،دانش عرف آفاق اقبال ،منظر امام کی جا نب سےعدالت میں پیروی کر رہی ہے ،گرفتاری بھلے ہی2008 میں ہوئی تھی لیکن گذشتہ کئی سالوں سے کیس کی سماعت احمد آباد خصوصی عدالت میں جاری ہےالحمد اللہ کئی اہم اور انتہائی بنیادی قانونی نکاۃ اور سپریم کورٹ کے حوالوں سے لیس بحث مکمل کر دی ہے ،جمعیۃ علماء مہا راشٹر کے لیگل سکریٹری ایڈوکیٹ پٹھان تہور خان کی نگرانی و رہبری میں شہر احمد آباد کے سینئر لائر ایڈوکیٹ دلشاد پٹھان کر رہے ہیں۔
