لکھنؤ:
اترپردیش میں 2022 میں ہونے والے اسمبلی انتخابات کو لے کر سرگرمیاں تیز ہوگئی ہیں۔ جہاں حکمراں جماعت بی جے پی نے رام مندر سے لے کر قانون وانتظام تک کے ایشو پرزور شور سے تشہیر شروع کردی ہے ۔ وہیں ان انتخابات میں اہم اپوزیشن پارٹی سماج وادی پارٹی نے کورونا اور رام مندر زمین تنازع کو لے کر یوگی سرکار پر نشانہ سادھا ہے ۔ اتنا ہی نہیں ایک انٹرویو کے دوران تو ایس پی صدر اکھلیش یادو نے بی جے پی کے خلاف ہندو کارڈ بھی کھیلا ۔ انہوں نے بتایا کہ نیتا جی ملائم سنگھ یادو ہنومان جی کے پرانے بھکت ہیں۔ ساتھ ہی انہوں نے خود کو بی جے پی والوں سے بڑاہندو قرار دیا۔
آج تک کے یوپی انتخاب کے لے کر کئے گئے ایک کانکلیومیں ہندوتو کو لے کر کئے گئے سوالات پر اکھلیش یادو نے کہاکہ ’ہم بی جے پی والوں سے بڑے ہندو ہیں۔ ان کی جو تعریف ہندووالی ہے ، وہ ہمیں نہیں چاہئے۔جو نفرت پھیلاتی ہو، سماج کو بانٹتی ہو، ہم ان سے بڑے ہندو ہیں۔‘‘
اکھلیش یادو نے کہاکہ ’’جہاں تک بھگوان کی پجا ہے، آپ سیفئی کو دیکھ آیئے، ہماری پیدائش تو ابھی ہوئی ہے، لیکن ہمارے مندر تو ہماری پیدائش سے بھی پہلے کے ہیں۔ نیتا جی تو ہنومان جی کی پجا ناجانے کب سے کرتے آئے ہیں۔ تو ہم ہیں ہی نہیں ہندو،صرف بھارتیہ جنتا پارٹی ہندو ہے ،جو پاپ کرے وہ ہندو۔‘‘
اس کے بعد اکھلیش یادو نے کہاکہ اترپردیش کے عوام من بنا لیا ہے کہ بی جے پی کو ہرانا ہے اور ہو سکتاہے کہ سماج وادی پارٹی 400 سیٹیں جیت جائے۔ اس پر جب اینکر نے مداخلت کرتے ہوئے کہاکہ کچھ تو ٹھیک ٹھیک لگا لیتے۔
واضح رہے کہ یوپی کے سی ایم یوگی آدتیہ ناتھ نے ایک نیوز چینل کے کانکلیو کے دوران اکھلیش کی انہی باتوں کو لے کر ان پر نشانہ سادھا۔ یوگی نے کہاکہ رام مندر کی شاندار تعمیر کا کام ہمارے دور حکومت میں شروع کرایا گیا ہے ۔ انہوں نے اس کے بعد اکھلیش یادو پر نشانہ سادھتے ہوئے کہاکہ ان کے اباجان (ملائم سنگھ یادو) کہتے تھے کہ ہم پرندے کو بھی پر نہیں مارنے دیں گے ۔ ان لوگوں نے پہلے رام مندر کی بات قبول نہیں کی تھی اور رام بھکتوں پر گولی چلائی تھی۔
وہیں ایس پی کے چار سو سیٹیں لانے کے دعویٰ کا سی ایم یوگی نے زبردست طریقہ سے مذاق اڑایا ۔ انہوں نے کہاکہ دیکھئے خواب دیکھنا تو اچھی بات ہے ۔ مجھے حیرت ہو رہاہے کہ انہوں نے 500 کیوں نہیں کہہ دیا۔ جب بولنا ہی ہے تو کچھ بھی بول سکتے ہیں۔ ریاست کے عوام سارے کارناموں کو جانتی ہے ، لیکن خواب دیکھنا آپ کا حق ہے ۔
