رام پور :
سماج وادی پارٹی کے دبنگ لیڈر و ممبر پارلیمنٹ محمد اعظم کی اہلیہ شہر ایم ایل اے ڈاکٹر تزئین فاطمہ سے اعظم خاں اور ان کے بیٹے عبداللہ اعظم کی صحت سے متعلق سماج وادی پارٹی کی مدد کے علاوہ 2022 کے انتخابی سمیت کئی مدعوں پر تفصیل سے بات ہوئی۔
اعظم خاں کی صحت اورملاقات کو لے کر ڈاکٹر تزئین فاطمہ نے کہاکہ میری ملاقات 10 مہینے جیل میں رہنے کے بعد سے نہیں ہوئی ۔ ان کی صحت سے متعلق کہاکہ ان کی طبیعت کے بارے میں میدانتا اسپتال لکھنؤ سے جو میڈیکل بولیٹن جاری ہوتاہے اس سے معلوم ہوتی ہے اور وہاں علاج کررہے ڈاکٹرو وس سے اس سے معلوم ہوتی ہے۔ اتنی بڑی بیماری اور تقریباً ڈیڑھ سال سے جیل میں رہنے کے بعد بہت کمزور ہوگئے ہیں۔ تزئین فاطمہ نے بتایا کہ ’اعظم خان کی طبیعت بہت خراب ہے۔ وہ کئی بیماریوں میں مبتلا ہیں اور جیل میں رہنے کی وجہ سے انتہائی کمزور ہو گئے ہیں۔ ان کے منھ میں السر بھی ہو گیا ہے جس سے وہ کھانا نہیں کھا پا رہے ہیں۔ اس کے علاوہ اعظم خان کے پھیپھڑوں میں بھی انفیکشن ہے جس کی وجہ سے کمزوری بہت بڑھ گئی ہے۔‘کڈنی میں بھی انفیکشن ہے اور وہ بہت کمزور ہو گئے ہیں جس کی وجہ سے زیادہ دور تک چل بھی نہیں پاتے۔ عبداللہ اعظم کی حالت بہتر ہے ۔ اسپتال سے صحیح علاج ملنے پر کہاکہ صحیح بہتر علاج ہو رہاہے لیکن کمزور اتنے ہوگئے ہیں کہ ریکوری آہستہ آہستہ ہورہی ہے ۔
وہیں اس طرح کی کارروائیوں اور ملک وپردیش میں مسلمانوں کے حالت پر کہاکہ مسلم کی صورت حال آپ اعظم خاں کو دیکھ کر ہی لگا سکتے ہیں۔ اعظم خاں کی پریشانیوں میں ایس پی کی حمایت پر کہاکہ اعظم خاں سماج وادی پارٹی کے فاؤنڈر لیڈروں میں سے ہیں اور اعظم خاں نے مفاد عامہ میں کتنے کام کئے ہیں ، لیکن 5 سال سے پہلے نہ اعظم خاں زمین مافیا تھے، نہ ہی بھینس چور، بکری چور، کتاب چور اور نہ ہی مقدمات تھے، لیکن ان گزشتہ 3 سے 4 سالوں میں اعظم خاں پر یہ سارے الزامات لگائے گئے۔ اعظم خاں پر جتنے الزام لگائےوہ سارے بے بنیادہیں۔ اعظم خاں نے رام پور میں تعلیم کو فروع دیا، پانی کی اتنی ٹنکیاں ہو گئی کہ آنے والے سو سال تک پانی کم نہیں پڑے گا اور ضلع اسپتال میں سرکار میں آکسیجن کا پلانٹ لگوایا گیا تھا۔
واضح رہے کہ اعظم خان گزشتہ مہینے کورونا سے متاثر ہو گئے تھے اور پھر ٹھیک ہونے کے بعد پوسٹ کووڈ فائبروسس، کیویٹی اور چیسٹ انفیکشن میں مبتلا ہو گئےتھے۔
