نئی دہلی :
کانگریس کی دہلی اکائی نے وزیر اعلیٰ اروند کیجریوال سے اپیل کی ہے کہ افغانستان میں طالبان کے حملے میں مارے گئے عالمی سطح پر شہریت یافتہ پلزر ایوارڈ یافتہ ہندوستانی فوٹو جرنلسٹ دانش صدیقی کے پریوار کو ایک کروڑ روپے کامعاوضہ دیا جائے۔
دہلی پردیش کانگریس کمیٹی نے ایک بیان میں کہاکہ دہلی کانگریس کے صدر چودھری انل کمار نے کیجریوال کو خط لکھ کر یہ مانگ کی ہے ۔ کمار نے کہاکہ دانش صدیقی کے پریوار کو مالی مدد دینا ان کو سچا خراج عقیدت ہوگا کیونکہ انہوں نے نہ صرف اپنے لئے نام کمایا تھا بلکہ دہلی کا بھی نام کیا تھا۔‘
وہیں کانگریس کی دہلی اکائی نے اپنے ٹیوٹ میں لکھا ،’ دہلی کانگریس صدر چودھری انل کمار نے دہلی کے وزیر اعلیٰ اروند کیجریوال کو خط لکھ کر فوٹو جرنلسٹ دانش صدیقی کو ایک کروڑ کااعزازی رقم اور دہلی سرکار کے ذریعہ اعلیٰ شہری ایوارڈ دینے کی درخواست کی ہے ۔ ‘
بتادیں کہ اس سے قبل افغان صدر اشرف غنی نے گزشتہ جمعرات کو فوٹو جرنلسٹ دانش صدیقی کے والد سے فون پر بات چیت کرتے ہوئے اظہار تعزیت کیا۔ افغان صدر نے ان کی موت کو صحافت کی دنیا کے لیے ایک بہت بڑا نقصان قرار دیا۔
