کرناٹک کے وزیر پرینک کھرگے نے پیر کو آسنگھ کے چندہ وصول کرنے کے طریقے پر سوال اٹھایا اور اس کے فنڈنگ کے طریقوں پر وضاحت طلب کی۔ ۔میڈیا رپورٹ کے مطابق کھرگے سنگھ کے سربراہ موہن بھاگوت کے اس بیان پر ردعمل ظاہر کر رہے تھے کہ یہ تنظیم اپنے رضاکاروں کے تعاون سے چلتی ہے۔
کانگریس صدر ملکارجن کھرگے کے بیٹے نے کہا، "بھگوت نے کہا ہے کہ آر ایس ایس اپنے رضاکاروں کے عطیات سے کام کرتی ہے۔ تاہم یہ دعویٰ کئی جائز سوالات کو جنم دیتا ہے۔” انہوں نے سوال کیا کہ یہ رضاکار کون ہیں اور ان کی شناخت کیسے کی جاتی ہے، وہ کتنا عطیہ دیتے ہیں اور اس کی نوعیت کیا ہے، اور کن ذرائع سے فنڈز اکٹھے کیے جاتے ہیں۔
وزیر نے کہا، "اگر آر ایس ایس شفاف طریقے سے کام کرتی ہے، تو اس کی رجسٹرڈ شناخت کے تحت تنظیم کو براہ راست چندہ کیوں نہیں دیا جاتا؟” وہ جاننا چاہتے تھے کہ آر ایس ایس نے باقاعدہ رجسٹرڈ تنظیم نہ ہونے کے باوجود اپنے مالی اور تنظیمی ڈھانچے کو کیسے برقرار رکھا۔ وزیر نے یہ بھی پوچھا کہ کل وقتی پرچارک کی تنخواہ کون ادا کرتا ہے، جو تنظیم کے باقاعدہ آپریشنل اخراجات کو پورا کرتا ہے، اور بڑے پیمانے پر ہونے والی تقریبات، مہمات، اور آؤٹ ریچ سرگرمیوں کو کس طرح فنڈ فراہم کیا جاتا ہے۔
"پیسے کا حساب کون رکھتا ہے، اخراجات کون اٹھاتا ہے؟”
انہوں نے رضاکاروں کے "مقامی دفاتر” سے یونیفارم یا سامان خریدنے کا مسئلہ اٹھایا اور پوچھا کہ فنڈز کا حساب کہاں ہے اور مقامی دفاتر اور دیگر انفراسٹرکچر کی دیکھ بھال کے اخراجات کون برداشت کرتا ہے۔ وزیر نے کہا کہ یہ سوالات شفافیت اور احتساب کے بنیادی مسئلے کی نشاندہی کرتے ہیں۔ انہوں نے سوال کیا کہ "آر ایس ایس اپنی وسیع قومی موجودگی اور اثر و رسوخ کے باوجود ابھی تک رجسٹر کیوں نہیں ہے؟”انہوں نے کہا، "جب ہندوستان میں ہر مذہبی یا خیراتی تنظیم کو مالی شفافیت برقرار رکھنے کی ضرورت ہے، تو آر ایس ایس کے پاس ایسا احتسابی نظام نہ ہونے کا کیا جواز ہے؟”
آر ایس ایس پرمکھ نے کیا کہاتھا؟
آر ایس ایس کے سربراہ موہن بھاگوت نے اتوار کو کہا کہ ان کی تنظیم افراد کے ایک گروپ کے طور پر پہچانی جاتی ہے۔ انہوں نے کہا، "آر ایس ایس کی بنیاد 1925 میں رکھی گئی تھی، تو کیا آپ ہم سے برطانوی حکومت کے ساتھ رجسٹر ہونے کی توقع رکھتے ہیں؟” انہوں نے کہا کہ ہندوستانی حکومت نے آزادی کے بعد رجسٹریشن کو لازمی نہیں کیا۔
چندے اور رجسٹریشن کو لے کر کانگریس کے آرایس ایس سے کئی سنگین سوال
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔