جموئی :
جے ڈی یو کے سابق قومی صدر اور مرکزی وزیراسپات شری آر سی پی سنگھ نے اپنے کارکنا ن و حامیوںسے رابطہ اور شکریہ پروگرام کےتحت تیسرے دن شیخ پورہ ، جموئی اور نوادہ اضلاع میں کل 18 مقامات کا دورہ کیا۔ اس دوران انہوں نے شیخ پورہ کے گرہنڈا چوک میں جن نائک کرپوری ٹھاکر اور چیواڑہ موڑ پر بابا صاحب امبیڈکر اور نوادہ کے وارث علی گنج میں سردار پٹیل کے مجسمے کی گلپوشی کی۔
انہوں نے نوادہ میں پریس سے بات چیت کی۔ شیخ پورہ کے سابق ایم ایل اے اور موجودہ ضلعی صدر شری رندھیر کمار سونی ، نوادہ کے سابق ایم ایل اے شری کوشل یادو ، وارث علی گنج کے سابق ایم ایل اے شری پردیپ مہتو ، ریاستی جنرل سکریٹری ڈاکٹر بپن کمار یادو ، جموئی ضلع صدر انجینئر شمبھو شرن ، نوادہ ضلع پریشد کی صدر مسز پنکی بھارتی ، جے ڈی یو کسان سیل انچارج شری منوج کمار ، جے ڈی یو اسپورٹس سیل کے ریاستی صدر شری وجے شرما سمیت کئی لیڈران اور بڑی تعداد میں کارکنان موجود رہے۔ اس دوران مختلف مقامات پر ان کا پرتپاک استقبال کیا گیا۔
شری آر سی پی سنگھ نےاس دوران کہا کہ ہر جے ڈی یو کارکن کا ہدف وزیر اعلیٰ شری نتیش کمار کے کام کو گھر گھر پہنچانا ہونا چاہیے۔ انہوں نے بہار میں ترقیاتی کاموں کی جھڑی لگا دی ہے۔ تعلیم ، صحت ، سڑک ، بجلی سمیت کوئی ایسا شعبہ نہیں جہاں ان کا شاندار کام نظر نہیں آتا ہو۔ آج سے 16 سال پہلے اس کا تصور بھی نہیں کیا جا سکتا تھا۔ آج انصاف کے ساتھ ترقی کی بہار سے بڑھ کر کوئی دوسری مثال نہیں ہے۔
شری آر سی پی سنگھ نے مزید کہا کہ ہمیں پارٹی کو بوتھ سطح پر اور زیادہ مضبوط بنانا ہے۔ پارٹی کے ہر سطح کے لیڈر بوتھ پر جا کر کام کریں اور لوگوں کے دکھ ُسکھ کا حصہ بنیں۔ اس بات کو یقینی بنائیں کہ سماج کے آخری پائیدان پر کھڑے لوگوں کو نتیش حکومت کی ترقیاتی اسکیموں کا فائدہ ملے۔
واضح رہے کہ شری آر سی پی سنگھ آج صبحساڑھے نوبجے اپنے گاؤں مصطفی پور سے روانہ ہوکر شیخ پورہ کے بربیگھا ، گرہنڈا چوک ، چیواڑا چوک ، جموئی کے سکندرہ چوک ، کوہاڈیہہ موڑ (جگدیش پورم) ، مرزا گنج ، علی گنج ، چندردیپ ، آڑھا موڑ اور نوادہ کے پکری براواں،باگھیورڈ یہا،قادرگنج، نوادہ بازار ، اکونا بازار ،کھراٹ موڑ ہوتے ہوئے وارث علی گنج بازار ، کاشی چک موڑ ، شاہ پور موڑ ہوتے ہوئے دوبارہ بربیگھاکے راستے اپنے گاؤں مصطفی پور لوٹے۔
