نئی دہلی :
پیگاسس اسپائی ویئر سے جاسوسی کے معاملے میں آر ایس ایس کے سابق وچارک کے این گووند اچاریہ بھی سامنے آگئے ہیں۔ گووند اچاریہ نے سپریم کورٹ سے اپیل کی ہے کہ وہ ان کے ذریعہ 2019 میں دائر کی گئی عرصی پر نئے سرے سے سماعت کرے۔ گووند اچاریہ نے مانگ کی ہے کہ اس معاملے میں مقدمہ درج کیاجائے اور این آئی اے فیس بک ، وہاٹس ایپ اور پیگاسس اسپائی ویئر کو بنانے والی کمپنی این ایس او کے خلاف جانچ کرے ۔
بتادیں کہ پیگاسس جاسوسی معاملے کو لے کر گزشتہ دنوں اپوزیشن پارٹی سڑک سے پارلیمنٹ تک مودی سرکار پر حملہ آؑور رہے۔ پارلیمنٹ کے مانسون اجلاس میں بھی یہ مدعا بے حد گرم رہا اور اس وجہ سے پارلیمنٹ کے دونوں ایوانوں میں ہر دن ہنگامہ ہوتا رہا۔
