پاپاٹھیلے پر پھل بیچتے ہیں اور ماں چنا ، بیٹی نےبہار میں 12 ویں میں ٹاپ کیا

پٹنہ:
بہار بورڈ کے 12 ویں یعنی انٹرمیڈیٹ امتحان 2021 کے نتائج آچکے ہیں۔ سائنس سے لے کرآرٹس اینڈ کامرس تک لڑکیوں نے تینوں ہی مضامین میں کامیابی حاصل کی ہیں، لیکن سائنس ٹاپر سونالی کماری کی کہانی آپ کو جذباتی کردے گی۔نالندہ ضلع کی بہار شریف کی رہنے والی سونالی کماری کا باپ چنی لال ٹھیلے پر گھوم گھوم کر پھل سے لے کر الگ الگ چیزیں بیچتے ہیں اور ماں چنا کا بھوجا اور ستو بیچتی ہیں۔ سونالی کہتی ہیں’’مجھے اب آگے چل کرسول سروسز (یو پی ایس سی)میں جانا ہے ، تاکہ میں اپنے کنبے کی مالی حالت کو درست کر سکوں۔ ساتھ ہی لوگوں کی خدمت بھی کروں۔ میرے والدین نے ہمیں بہت مشکل سے پڑھایا ہے۔سونالی کماری کو 500 میں سے 471 نمبرآئے ہیں ، جس کا مطلب ہے کہ تقریباً 94 فیصد۔ تعلیم کے دوران معاشی بحران ہمیشہ برقرار رہا لیکن سونالی اوراس کے اہل خانہ نے ہمت نہیں ہاری۔ آگے کی پڑھائی کے لئے سونالی کے سامنے معاشی چیلنج بھی ہے۔ سونالی کہتی ہے ،آہستہ آہستہ میں سائڈ سے ایسا کام کروں گی جس سے کنبہ کی مدد ہوسکے اور میری پڑھائی بھی نہ رکے۔سونالی کا کہنا ہے کہ انہیں یقین ہے کہ وہ بہت عمدہ کارکردگی کا مظاہرہ کریں گی ، کیونکہ انھوں نے تعلیم میں سخت محنت کی تھی۔
یہ پہلا موقع نہیں ہے جب سونالی نے خود کو ثابت کیا ہو ، سونالی کو 10 ویں بورڈ کے امتحان یعنی میٹرک میں 500 میں سے 454 نمبر ملے تھے۔جب سونالی سے لاک ڈاؤن میں تعلیم حاصل کرنے کے بارے میں سوال کیا گیا تو اس نے بتایا کہ اس نے گھر میں محنت سے پڑھائی کی۔ لاک ڈاؤن میںسیلف اسٹڈی کا خوب وقت ملا۔ اپنے کالج اساتذہ کے ساتھ بھی فون پر رابطہ برقرار رکھا۔ اس کے علاوہ ، آن لائن پڑھائی میں بھی مدد ملی۔بہار اسکول امتحان بورڈ کے جاری کردہ نتائج کے مطابق اس سال 78.04 فیصد طلباء امتحان میں کامیاب ہوئے ہیں۔ اس سال 13.40 لاکھ طلباء نے امتحان دیا تھا اور اس میں سے کل 10 لاکھ 45 ہزار 950 طلباء پاس ہوئے ۔