انکم ٹیکس نے پی ایف آئی کا رجسٹریشن منسوخ کیا

نئی دہلی :
محکمہ انکم ٹیکس نے منگل کے روز پاپولر فرنٹ آف انڈیا (پی ایف آئی) کا رجسٹریشن منسوخ کردیا۔ محکمہ نے دفعہ(3)12AAکے تحت یہ رجسٹریشن رد کیا ہے۔ آئی ٹی کمشنر کو اگر لگتا ہے کہ کوئی ادارہ یا ٹرسٹ واقعتاً نہیں ہے اور یہ اپنے ٹرسٹ کے موافق کام نہیں کررہا ہے تو وہ اس کا رجسٹریشن رد کرسکتا ہے ۔ پی ایف آئی پر گزشتہ سال شہریت ترمیمی ایکٹ (سی اے اے ) کے خلاف ہوئے مظاہروں کو فائنانس کرنے کاالزام لگاہے ۔
ای ڈی نے گزشتہ روم خصوصی عدالت کو بتایا کہ پی ایف آئی نے کیرل میں دہشت گردی کے کیمپ کے لئے فنڈ اکٹھا کئے۔ تفتیش کے دوران پتہ چلا کہ ان فنڈ کااستعمال دہشت گردی جڑی سرگرمیوں اور سماجی ہم آہنگی خراب کرنے کے لیے استعمال کیا گیا۔ پی ایف آئی اور اس سے منسلک تنظیموں کے بینک اکاؤنٹ کی جانچ کے دوران یہ باتیں سامنے آئی ہیں۔
ای ڈی نے بتایا کہ ہم نے 2013 میں یہ معاملہ اپنے ہاتھ میں لیا تھا ، جب این آئی اے نے پی ایف آئی کے خلاف چارج شیٹ داخل کی تھی۔ اس چارج شیٹ میں کہا گیا تھا کہ پی ایف آئی؍ ایس ڈی پی آئی کےکارکن مجرمانہ سازش میںشامل ہیں اور انہوں نے اپنے کیڈر کو اسلحہ اور دھماکہ خیز مواد کی ٹریننگ دی۔ یہٹریننگ ضلع کنور میں لگائے گئے دہشت گردی کے کیمپ میں دی گئی۔ ان کا مقصد دو مذاہب کے لوگوں کے درمیان نفرت پیدا کرنا اور دہشت گردی کی سرگرمیوں کے لیے تیار کرنا تھا۔
ذرائع نے نیوز ایجنسی پی ٹی آئی کو بتایا ہے کہ پیر کوان مقامات پر چھاپہ مارا گیا،جہاں پی ایف آئی نے دہشت گردی کے کیمپ لگائے تھے۔ یہاں سے جیلیٹن کی چھڑیں اور ڈیٹونیٹر بھی برآمد ہوئے ہیں۔ چھاپہ مار کارروائی کولم کے جنگلات میں کی گئی۔ یہاں سے بیٹریاں ، ڈیٹونیٹرز کے علاوہ اشتعال انگیز لٹریچر بھی ملا ہے۔