کولکاتا:
مغربی بنگال کی وزیر اعلیٰ ممتا بنرجی کے 26 جولائی سے دہلی کے پانچ روزہ دورے کے بعد سوشل میڈیا پر ترنمول کانگریس کی سرگرمیوں میں بڑی تبدیلی آئی ہے۔
اگرچہ ترنمول کانگریس کی سربراہ نے کسی بھی قومی عزائم سے انکار کیا ہے ، لیکن پارٹی کے ہینڈل ایسے پوسٹرز سے بھرے ہوئے ہیں جو ممتا کو 2024 میں وزیر اعظم نریندر مودی کے خلاف براہ راست حریف کے طور پر پیش کرنے کی کوشش کرتے ہیں۔
پارٹی کی جانب سے ایسے نعرے تیار کئے گئے ہیں جو 2014 اور 2019 میں وزیر اعظم عہدہ کے لیے مہم چلانے کے دوران ٹیم مودی کی طرف سے استعمال نعروں کا جواب ہے۔ اس کے بارے میں پارٹی لیڈروں کا کہنا ہے کہ انہیں سوچ – سمجھ کر ایسا بنایا گیاہے کہ تاکہ لوگوں کو وہ وعدے ’ یاد دلائے ‘ جا سکیں جنہیں مودی ’ پورا کرنے میں ناکام ‘ رہے ہیں۔
بی جے پی کے ’اب کی بار مودی سرکار‘کی طرز پر جہاں ’ اب کی بار دیدی سرکار‘ کا نعرہ بنایا گیا ہے اور ’اچھے دن آنے والے ہیں‘ کے جواب میں ’سچے دن آنے والےہیں‘ کا نعرہ دیا جا رہا ہے ۔ وہیں مغربی ریاست میں بطور وزیر اعلیٰ مودی کی انتظامی صلاحیتوں کو اجاگر کرنے کے لیے بی جے پی کی طرف سے ’ گجرات ماڈل‘ کا حوالہ دئے جانے کے جواب میں ’بنگال ماڈل ‘ کو سامنے رکھا جارہاہے ۔
ان پوسٹروں کو سوشل میڈیا پر ترنمول کانگریس کے سینئر رہنماؤں کے ساتھ ساتھ ریاستی وزراء نے بھی شیئر کیا ہے۔
بی جے پی کے سینئر لیڈروں کی طرف سے تشہیر کے دوران ہر طرح کا ہتھکنڈا اپنائے جانے کے باوجود مغربی بنگال میں لگاتار تیسری جیت سے حوصلہ افزا ترنمول کانگریس کے سینئر لیڈروں کا کہنا ہے کہ ممتا ہی ایسی رہنما ہیں جو ’مودی کو مات‘ دے سکتی ہیں۔
انہوں نے دہلی میں ممتا کے ان تبصرے کو ہی دوہرائی کہ انہیں وزیر اعظم کی کوئی خواہش نہیں ہے، لیکن ان کی جیسی ’عاجزانہ طبیعت‘ والے کسی صحیح امیدوار کو الیکشن میں لوگوں کی مدد کرنا چاہتی ہے۔ ان لیڈروں کا کہنا ہے کہ مودی کے خلاف ’اپوزیشن فرنٹ ‘ کی تشکیل اور اس کی قیادت کرنے کے لیے ممتا ہی واحد مضبوط چہرہ ہے۔
ممتا کے قریبی ساتھی اور بنگال میں وزیرملائے گھٹک نے دی پرنٹ کو بتایا کہ دیدی کے لیے نئی ذمہ داری سنبھالنے کا منچ تیار ہے، ایسا کوئی دوسرا لیڈر نہیں ہے جو نریندر مودی- امت شاہ کی جوڑی کے سامنے ٹک سکے۔
انہوں نے کہا کہ ‘انہوں نے بنگال میں ایسا کرکے دکھایا ہے اور انہیں بھاری اکثریت ملی ہے ۔ انہیں عام انتخابات میں بھی ایسا کرنے کی قابلیت ہے ۔ جب وہ دہلی تپیں تو ہم نے عام عوام کے درمیان خاصا جوش جوخروش دیکھا۔
بنگال میں قانون ومیر کی ذمہ داری سنبھال رہے گھٹک ممتا کے ساتھ دہلی یاترا پر آئےتھے جہاں انہوں نے کانگریس اور عام آدمی پارٹی سمیت مختلف پارٹیوں کے سینئر لیڈروں سے ملاقات کی اور 2024 میں مودی کے خلاف اپوزیشن ایکتا کی اپیل کی۔
