نئی دہلی4؍ مئی : جمعیۃ علماء ہند کے صدر مولانا محمود اسعد مدنی نے جامعہ اشاعت العلوم اکل کوا کے مہتمم و رکن شوریٰ دارالعلوم دیوبند حضرت مولانا غلام محمد وستانوی کے سانحۂ ارتحال پر دلی حزن وملال کا اظہار کرتے ہوئے اپنے تعزیتی بیان میں کہا کہ آج ہم ایک ایسے مخلص عالم سے محروم ہوگئے، جن کی زندگی قرآن کریم کی خدمت، مدارسِ اسلامیہ کی بقا اور مسلمانوں کی تعلیمی ترقی کے لیے وقف تھی۔
مولانا مدنی نے کہا کہ دینی و عصری تعلیم کے میدان میں ان کا انقلابی کردار تاریخ میں سنہرے حروف سے لکھا جائے گا جو آنے والی نسلوں کے لیے مشعل راہ ہے۔مولانا مرحوم اپنے تعلیمی ذوق کی وجہ سے جمعیۃ علماء ہند کی اہم تحریک ’دینی تعلیمی بورڈ‘سے بھی وابستہ ہوئے ، چنانچہ ان کو ۱۹۹۵ ء کے اجلاس مجلس منتظمہ ممبئی میں دینی تعلیمی بورڈ کا کل ہند صدر نامزد کیا گیا ۔
واضح ہو کہ مولانا مدنی آج گلبرگہ میں جماعتی کارکنان کے ایک اجلاس سے خطاب کررہے تھے ، جیسے ہی مولانا وستانوی کی وفات کی خبر موصول ہوئی ، انھوں نے دعائے مغفرت کی ۔مولانا مدنی نے مولانا مرحوم کے اہل خانہ سے دلی ہمدردیاں پیش کرتے ہوئے دعا کی ہے کہ ارحم الرٰحمین ان کو بیش از بیش عنایات سے نوازے اور جوار رحمت و رضوان میں مقام اعلیٰ عطا فرمائے ، ان کے قائم کردہ اداروں کی حفاظت فرمائے اور ان کے پسماندگان کو صبر جمیل واستقامت عطا کرے ( آمین)
مولانا غلام وستانوی کی خدمات کو سنہرے حروف میں لکھ جائے گا:صدر جمعیۃ مولانا محمود مدنی کا خراج عقیدت
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔