نئی دہلی :
وزیر اعظم نریندر مودی کی دوسری میعاد کی پہلی کابینہ میں توسیع بدھ کے روز ہوئی۔ کئی سینئر وزرا ءکو فارغ کردیا گیا۔ ان کی جگہ نئے لوگوں کو وزارت کی ذمہ داری دی گئی۔ ڈاکٹر ہرش وردھن سے وزارت صحت چھین کر اب منسکھ مانڈویا کو دیا گیاہے ۔ اس کے ساتھ ہی ان کے پاس کیمیکل اور کھاد کی وزارت بھی ہوگی، ایسے میںمنسٹرکا چارج سنبھالنے جارہے منسکھ مانڈویا کے پرانے ٹویٹس سوشل میڈیا پر تیزی سے وائرل ہورہے ہیں، جس میں انہوں نے غلط انگلش لینگویج کا استعمال کیاہے ۔
ان کے کچھ پرانے ٹویٹ پر سوشل میڈیا یوزرس انہیں ٹرول کررہے ہیں۔ لوگوں نے انہوں ٹرول کرناشروع کیا تو انہوں نے کچھ ٹویٹ اپنے ٹوئٹر ہینڈل سے ڈیلیٹ کر دیئے۔ انہوں نے 2013 میں مہاتما گاندھی کے لیے ایک ٹویٹ کرتے ہوئے انگلش میں لکھا ، ’’مہاتما گاندھی ہمارے پیتا کے راشٹر ہیں‘‘، حالانکہ انہوں نے ٹویٹ ڈیلیٹ کردیا ہے لیکن سوشل میڈیا پر اس کا اسکرین شاٹ تیزی سے وائرل ہو رہا ہے ۔
آن لائن پورٹل جن ستا کی رپورٹ کے مطابق ان کے 2013 کے ایک ٹویٹ کے اسکرین شاٹ کو شیئر کرتے ہوئے ایک یوزر نے لکھا،’ مودی جی لوگوں کو ہنسا ہنسا کر مارنے کا ارادہ ہے کیا؟ جو ایسے شخص کو وزارت صحت دے دیا ہے ۔‘
ایک ٹوئٹر یوزر نے لکھا ، ’ویسے اب ایسی غلطیاں نہیں ہوں گی کیونکہ سوشل میڈیا کے لیے بھی ٹیم رکھی جارہی ہے وہ بھی موٹی تنخواہ پر‘ ،جن ادھیکار پارٹی کے قومی صدر پپو یادو نے بھی ان کے ایک ٹویٹ پر مزہ لیتے ہوئے لکھا کہ ’’ یہ ملک کے نئے وزیر صحت ہیں، اتنے قابل وزیر کو مودی جی کابل سے ڈھونڈ کر لائے ہیں، کورونا کی تیسری لہر سے بھارت کو بھگوان بچائیں۔‘
ایک یوزر نے کمینٹ کرتے ہوئے لکھا، ’ پالیٹکل سائنس والے ہیلتھ منسٹر بن رہے ہیں، ان کو کیا سمجھ ہوگی بایو لاجی اور میڈیسن کی‘۔ صحافی ابھیسار شرما نے بھی ان کے ایک ٹویٹ پر میم کے ذریعہ لکھا کہ’ ارے کہنا کیا چاہتے ہو۔‘ ایک اور یوزر نے ٹوئٹر اکاؤنٹ سے لکھا کہ ’ بھائی اب کیا بولوں ، بیٹھے بٹھائے تفریحی وزیر مل گیا لوگوں کو۔‘
منسکھ مانڈویا کی کچھ ٹویٹ ڈیلیٹ کرنے پر ایک ٹوئٹر یوزر نے لکھا کہ معزز وزیر صحت چارج سنبھالتے ہی فوراً کام پر لگ گئے ہیں۔ انہوںنے اپنے پرانے ٹویٹ کو ڈیلیٹ کرنا شروع کر دیا ہے ۔ آزاد صحافی رن وجے سنگھ نے ان کے ٹویٹ کو شیئر کرتے ہوئے لکھاکہ کہنا کیا چاہتے ہیں؟ انہوں نے وزارت صحت کا مزہ لیتے ہوئے لکھاکہ آج منسکھ بھائی نے موج کرا دی۔ ان کے ساتھ خوب جمے گا۔
