نئی دہلی (ایجنسی)
مرکزی حکومت نے نئی قومی تعلیمی پالیسی کے تحت منگل کو ایک ورچوئل اوپن اسکولنگ پلیٹ فارم کی شروعات کی ہے۔ نیشنل انسٹی ٹیوٹ آف اوپن اسکولنگ ( این آئی او ایس ) کےزیر اہتمام چل رہے اس آن لائن پلیٹ فارم کا فائدہ ان بچوں کو ملے گا جو مختلف وجوہات سے اسکول نہیں جا پاتے۔ اس کے ساتھ ہی فطری چیلنجز کا سامنا کررہے معذور بچوں کے لیے پریا سوگامیتا کے نام کی ایک ای – کامک کتابچہ لانچ کی گئی ہے ۔ جو آسان، دلچسپ اوراور انٹرایکٹیو طریقے سے رسائی کا سبق پڑھائی گی۔
اسکول ایجوکیشن ڈپارٹمنٹ کی طرف سے منعقد ایک ورچوئل پروگرام میں مرکزی وزیر تعلیم دھرمیندر پردھان اور مرکزی انصاف اورمپاورمنٹ کے وزیر وریندر کمار نے نئی قومی تعلیمی پالیسی کی گزشتہ ایک سال کی کامیابیوں پر ایک کتاب ساتھ – ساتھ چار اقدام کو لانچ کیا۔
مرکزی وزیر تعلیم دھرمیندر پردھان نے کہاکہ تعلیم ریاضی یا ڈگری حاصل کرنے کا نظام نہیں ہے ۔ اس کا مقصدر کردار سازی کے ذریعہ قوم کی تعمیر ہے ۔ انہوں نے کہاکہ ملک میں آج بھی تقریباً 17 کروڑ بچے ایسے ہیں جو سماجی، معاشی سمیت کئی وجوہات کی بنا پر روایتی طریقے سے اسکولی تعلیم حاصل نہیں کرپارہے ہیں۔ اسکولی ایجوکیشن ڈپارٹمنٹ ایسے بچوںکے لیے نیا منچ لے کر آیا ہے ۔ اس کا نام ہے ورچوئل اسکول ۔ اب تمام بچے اس نظام سے تعلیم حاصل کرسکیں گے ۔
وزیر تعلیم نے کہاکہ جب یہ بچے اےٹی ایم سے پیسہ نکال سکتے ہیں، موبائل پر پری پیڈ باؤچر بھر سکتے ہیں، مختلف طریقے کے ڈیجیٹل ادائیگی کرسکتے ہیں تو پھر وہ اوپن ورچوئل ذرائع سے تعلیم بھی حاصل کر سکتے ہیں۔ پردھان نے وزارت تعلیم کے اس کوشش کو وزیر اعظم کی جانب سے ان محروم طالب علموں کووقف کیا جو سماجی چیلنجز کے دباؤ میں کہیں نہ کہیں پیچھے رہ گئے ہیں۔
اس موقع پر موجود سماجی انصاف اور امپاورمنٹ وزیر وریندر کمار نے کہاکہ وزارت تعلیم اسکول کے نصاب میںسوگامیتا سے متعلق مواد کو شامل کرنے کے ساتھ ساتھ خصوصی ضروریات کے حامل بچوں کے لیے جامع تدریس کو بھی تیار کرنا ہے۔ حکومت ہند نے شروع ہی سے اس موضوع کی سنجیدگی کو سمجھا ہے ، لہٰذا اس کتابچہ کو جس کا عنوان پریا سوگامیتا ہے ، بنانے کی راہ ہموار کی گئی۔ یہ دیکھتے ہوئے کہ رسائی کا راستہ مشکل اور پیچیدہ ہے ، اس ای کامک بک کو انٹرایکٹیو بنانے پر زور دیا گیا ہے۔
