نئی دہلی :
راہل گاندھی کی طرف سے طلب کی گئی اپوزیشن لیڈران کی بریک فاسٹ میٹنگ ختم ہو گئی ہے۔ میٹنگ کے دوران تمام حزب اختلاف کی جماعتوں نے یکجہتی کا اظہار کیا اور کہا کہ یہ لڑائی جمہوریت کی بقا کی ہے اور ہم متحد ہو کر لڑیں گے۔میٹنگ ختم ہونے کے بعد راہل گاندھی سائیکل سے پارلیمنٹ روانہ ہوئے۔ ان کے ساتھ اپوزیشن پارٹیوں کے لیڈر بھی سائیکل سے پارلیمنٹ پہنچے۔
دریں اثنا، راہل گاندھی نے کہا، ’’میرے خیال میں سب سے اہم بات یہ ہے کہ ہم تمام قوتوں کو یکجا کریں۔ تمام آوازیں (عوام کی) یکجا رہیں گی تو بی جے پی اور آر ایس ایس کے لئے انہیں دبانا مشکل ہو جائے گا۔‘‘
کانگریس کے سابق صدر راہل گاندھی کی دعوت پر کانسٹی ٹیوشن کلب میں منعقدہ بریک فاسٹ میٹنگ میں شرکت کے لئے لوک سبھا اور راجیہ سبھا کے قائدین حزب اختلاف پہنچیں۔ راہل گاندھی بھی میٹنگ میں موجود تھے۔ تاہم عام آدمی پارٹی کا کوئی لیڈر تامیٹنگ میں شرکت کی۔
میٹنگ میں کانگریس کے علاوہ این سی پی، شیو سینا، آر جے ڈی، سماجوادی پارٹی، سی پی آئی ایم، سی پی آئی، آئی یو ایم ایل، آر ایس پی، کے سی ایم، جے ایم ایم، این سی، ٹی ایم سی اور ایل جے ڈی کے لیڈران موجود تھے۔
