نئی دہلی:
ملک کے دارالحکومت دہلی میں اسکول فی الحال کھلنے کاامکان نہیں ہے۔ وزیر اعلیٰ اروند کیجریوال نے دہلی میں اسکول کھلنے کے امکان کے بارے میں پوچھے گئے سوال پر یہ بات کہی۔ ان سے پوچھا گیا تھاکہ جس طرح پڑوسی ریاست میں اسکولوں کو کھولنے کا فیصلہ لیا ہے کیا آپ لوگ بھی اسکول کو کھولنے کے بارے میں سوچ رہے ہیں؟ وزیر اعلیٰ کیجریوال نے اس کے جواب میں کہا کہ نہیں – نہیں ابھی نہیں،جو بین الاقوامی رجحان دیکھ رہے ہیں کہ تیسری لہر آئے گی، تو جب تک ویکسینیشن پوری نہیں ہو جاتی ہم بچوں کے ساتھ رسک نہیں لیں گے ۔
غور طلب ہے کہ دہلی میں کورونا وائرس کے نئے معاملوں کی تعداد لگاتار کم ہو رہی ہے لیکن دہلی سرکار کوئی رسک نہیں لینا چاہے گی۔ آج جمعرات کو جاری سرکاری اعدادوشمار کے مطابق گزشتہ 24 گھنٹے میں 72 نئے معاملے سامنے آئے ہیں ، اس دوران ایک مریض کی موت ہوئی ہے۔ 72 نئے کیس آنے کے بعد دہلی میں کورونا کے کل معاملوں کی تعداد 14,35,353ہو گئی ہے ۔ اب تک 25,022کووڈ مریضوں کی موت ہوئی ہے ۔
