نئی دہلی:
یوپی میں اگلے سال اسمبلی انتخابات ہونے والے ہیں ۔ ابھی وہاں یوگی آدتیہ ناتھ کی سرکار ہے ۔ اس درمیان آر جے ڈی سپریم لالو پرساد نے ملائم سنگھ سے ملاقات کی ہے ۔ ملاقات کے دوران اکھلیش یادو بھی موجود تھے۔ آر جے ڈی سپریم لالو یادو نے ملاقات کرنے کے بعد ٹوئٹر پر تصویر شیئر کی ہے ۔ اس ملاقات سے سیاسی گلیاروں میں ہلچل مچ گئی ہے ۔ لال یادو کے ٹوئٹر سے لگ رہاہے کہ ملاقات کے دوران سیاست سے جڑےکئی مدعوں پر بات چیت کی گئی ہے ۔
لالو یادو نے پیر کو ٹویٹ کیا اور لکھا ، ’’ملک کے سینئر ترین سماج وادی ساتھی محترم ملائم سنگھ جی سے ملاقات کر کے ان کی خیرت دریافت کی ۔ کھیت -کھلیان ، عدم مساوات ، ناخواندگی ،کسانوں ،غریبوں و بے روزگاروں کے لیے ہماری مشترکہ سوچ اور لڑائی ہے۔ آج ملک کو سرمایہ داروں اور فرقہ وارایت کی نہیں بلکہ سوشلزم کی اشد ضرورت ہے ۔‘
بتادیں کہ اترپردیش میں ابھی انتخاب ہوناہے ۔ ابھی کچھ ہی دنوں پہلے نیشنلسٹ کانگریس پارٹی (این سی پی ) کے سربراہ شرد پوار نے بھی لالو یادو سے ملاقات کی تھی۔ اس دوران ان کے ساتھ سماج وادی لیڈر رام گوپال یادو اور کانگریس کے راجیہ سبھاممبر اکھلیش یادوبھی موجود تھے ۔ یہ ملاقات میسا بھارتیہ کے سرکاری رہائش گاہ پر ہوئی تھی۔
واضح رہے کہ ضمانت پر جیل سے نکلنے کے بعد لالو یادو نے سیاسی سرگرمیاں تیز کردی ہیں۔ ضمانت پر جیل سے باہر آنے کے بعد اپنی بیٹی و راجیہ سبھا ممبر میسا بھارتیہ کے دہلی واقع سرکاری رہائش گاہ پر رہے ہیں۔ اب اس طرح لال یادو کا یوپی انتخاب کے پہلے سرگرم ہونے کے کئی معنی نکالے جارہے ہیں۔
