پورےمہاراشٹرا میں لاک ڈاؤن ہوسکتا ہے؟ وزیر نے دیئے اشارے

ممبئی :
ملک میں کورونا وائرس کے وبا سے سب سے زیادہ متاثرمہاراشٹر ہے ، جہاں معاملات بڑھ کر 60 فیصد کے قریب ہوگئے ہیں۔ آج تک کی ایک رپورٹ کے مطابق مہاراشٹرا کے نائب وزیر اعلی اجیت پوار نے ایک بڑا بیان دیا ہے۔ پونے میں پریس کانفرنس کے دوران انہوں نے کہا کہ ہم نے ریاست میں کورونا کے بڑھتے ہوئے معاملات پر مستقل نگاہ رکھی ہے۔ اس کی نگرانی 2 اپریل تک ہوگی۔ اس دوران اگر لوگ کورونا کےگائیڈلائن کی خلاف ورزی کرتے ہیں تو پھر حکومت کے پاس لاک ڈاؤن کے سوا کوئی دوسرا راستہ نہیں ہوگا۔
نائب وزیراعلیٰ اجیت پوار کی آج پونے میں عہدیداروں اور عوامی نمائندوں کے ساتھ ہفتہ وار کووڈ 19 کا جائزہ اجلاس ہوا جس کے دوران یہ فیصلہ لیا گیا۔مہاراشٹرا میں بڑھتے ہوئے کورونا کیسوں کی وجہ سے اجیت پوار نے ایک نئی گائیڈ لائن کا اعلان کیا ہے۔ نائب وزیر اعلی نے کہا کہ شاپنگ مال ، بازار ، سنیما ہال اب بھی 50 فیصد صلاحیت کے ساتھ کام کرناچاہئے۔ اس کے ساتھ، 50 سے زائد افراد کو شادی کی تقریب میں شرکت کی اجازت نہیں ہونی چاہئے۔ ایک ہی وقت میں ، 20 افراد کو آخری رسومات میں شرکت کی اجازت ہوگی۔