بدنام زمانہ متنازع برطانوی مصنف سلمان رشدی کےی صحت کے متعلق خبریں اچھی نہیں ہیں حالت تشویشناک ہے، وینٹی لیٹر پر رکھاگیا ہے اور بولابھی نہیں جارہا ہے ایک خبر کے مطابق رشدی پر چھرے سے 15 وار کئے گیے ان کے ایجنٹ اینڈریو وائلی نے ایک بیان میں کہا کہ ایک آنکھ بھی ضائع ہو جانے کا امکان ہے۔‘ان کے ایجنٹ اینڈریو وائلی نے کہا کہ ’سلمان رشدی ممکنہ طور پر ایک آنکھ سے محروم ہو جائیں گے، ان کے بازو کے اعصاب کٹے ہوئے تھے، اور ان کے جگر میں چھرا گھونپ کر نقصان پہنچایا گیا تھا۔‘سلمان رشدی پر امریکی ریاست نیویارک میں ایک تقریب کے دوران چاقو سے حملہ کیا گیا اور ان کی گردن اور پیٹ پر وار کیے گئے۔پولیس نے نیو جرسی کے علاقے فیئر ویؤ سے تعلق رکھنے والے ہادی متار نامی ایک 24 سالہ مشتبہ شخص کو گرفتار کر لیا ہے۔
برطانوی مصنف سلمان رشدی پر امریکہ کی ریاست نیو یارک میں سٹیج پر حملہ کیا گیا۔ تاہم پولیس کی طرف سے ابھی تک اس حملے کے بارے میں کسی مقصد یا الزامات کی تصدیق نہیں کی گئی ہے اور وہ جائے وقوع سے ملنے ایک بیگ اور الیکٹرانک آلات کی جانچ کے لیے سرچ وارنٹ حاصل کرنے کی کوشش کر رہی ہےانڈین ایکسپریس نے لکھا کہ ایک ایسوسی ایٹڈ پریس رپورٹر نے حملہ آور کو چوتاؤکا انسٹی ٹیوٹ کے اسٹیج پر رشدی پر حملہ کرتے دیکھا۔ رپورٹر کے مطابق حملہ آور نے رشدی پر 10 سے 15 وار کیے جس کے بعد وہ فرش پر گر گئے۔
قابل ذکر ہے کہ سلمان رشدی کو گذشتہ کئی برسوں کے دوران دھمکیاں ملتی رہی ہیں جبکہ 1989 میں ایران کے رہبرِ اعلیٰ نے ایک فتویٰ جاری کیا تھا جس میں سلمان رشدی کی موت کا مطالبہ کیا گیا تھا۔