لکھنؤ : (ایجنسی)
اترپردیش میں اگلے پانچ دنوں میں کابینہ میں توسیع ہوگی ۔ بی جے پی کے اعلیٰ ذرائع کے مطابق صدر جمہوریہ ہند رام ناتھ کےوند کا اترپردیش دورہ ختم ہوتےہی ،اترپردیش کابینہ میں توسیع کا فیصلہ کیا گیا ہے ۔ 29 اگست کو صدر جمہوریہ ایودھیا میں رام مندر درشن کرنے جائیں گےاور اس کے بعد وہ دہلی کو روانہ ہوجائیں گے۔ صدر جمہوریہ ہند کے اترپردیش سے دہلی روانہ ہونے کے بعد حلف برداری کی تیاری طے کرلی جائے گی۔ اے بی وی کی رپورٹ کے مطابق 20 اگست کو وزیر داخلہ امت شاہ کی رہائش گاہ پر ہوئی میٹنگ اس بات پر مہر لگ ہے ۔
ذرائع کے مطابق کابینہ توسیع کو لے کر سرکار اور تنظیم نے پوری تیاری کرلی ہے ۔ اس کے لیے مغربی سے لے مشرقی اترپردیش تک الگ الگ برادری اور علاقائی ایم ایل اے کی چھان بین بھی کرلی گئی ہے ۔ باقاعدہ ان ممبران اسمبلی کا ایک پینل تیار کیا گیا ہے۔ ان میںسے جن ناموں پر مرکزی قیادت کی مہر لگ جائے گی ان کو وزیر بنایا جائے گا۔
مغرب سے شروع کریں تو سب سے پہلے جاٹ سماج کی بات کر لیتے ہیں ۔ کسان آندولن کی وجہ سے جاٹوں کی ناراضگی کو دور کرنے کی کوشش جاٹوں کو وزیر کاعہدہ دے کر کی جارہی ہے۔ جن ممبران اسمبلی کے نام منتخب کئے گئے ہیں ان میں جاٹ سماج سے منجو سیواس کا نام سب سے اوپر ہے۔ وہ غازی آباد کی مودی نگر اسمبلی حلقہ سے ایم ایل اے ہیں اور پیشہ سے ڈاکٹر ہیں، جبکہ جاٹ سماج سے دوسرانام باغپت کے چھپرولی سے ایم ایل اے ساہندردیو رامالا ہے۔ وہ آر ایل ڈے سے بی جے پی میں 2018 میں آئے تھے اور آر ایل ڈی کے واحد ایم ایل اے ہیں۔
گوجر سماج سے ایک وزیر بھی بنایا جائے گا۔ میرٹھ سے ایم ایل اے سومیندر گوجر کا نام سرفہرست ہے۔ وہ پہلی بار ایم ایل اے بنے ہیں۔ اکھل بھارتیہ ودیارتھی پریشد سے بی جے پی میں آئے اور اب انہیں وزیر بنایا جا سکتا ہے، جبکہ دوسرا نام گوتم بودھ نگر کے دادری سے ایم ایل اے تیج پال ناگر کاہے ۔ وہ پیشہ سے ٹیچر ہیں۔
برہمنوں کی ناراضگی دور کرنے کے لیے جتین پرساد کو وزیر بنایا جا رہا ہے۔ وہ حال ہی میں کانگریس سے بی جے پی میں آئے ہیں۔ انہیں ایم ایل سی بھی بنایا جائے گا۔ وہ دوسری نسل کے بڑے برہمن لیڈر میں شمار ہوتے ہیں۔
نشاد برادری کو بھی کابینہ میں جگہ دی جارہی ہے۔ نشاد پارٹی کے سنجے نشاد کو ایم ایل سی اور وزیر بنایا جاسکتا ہے، جبکہ دوسرا نام سنگیتا بلونت بند ہے۔ وہ غازی پور صدر سے ایم ایل اے ہیں اور بند سماج کی نمائندگی کرتی ہیں۔
پٹیل اور کرمی برادری کو بھی یوگی حکومت میں جگہ دی جارہی ہے۔ اپنا دل کے صدر آشیش پٹیل ہیں۔ انہیں بھی وزیربنایا جا سکتا ہے۔ آشیش پٹیل اس وقت ایم ایل سی ہیں۔
مہیندر پال سنگھ سینتھوار کو بھی وزیر بنائے جا سکتے ہیں۔ وہ گورکھپور کے پیپرائچ سے ایم ایل اے ہیں۔ جب یوگی وزیر اعلیٰ بنے تو وہ سب سے پہلے یوگی آدتیہ ناتھ کے لیے اپنی نشست چھوڑنے کی پیشکش کی تھی۔
قبائلی سماج سے بھی ایک وزیربنایا جائے گا۔ اپنا دل سے اتر پردیش کے 96 ویں قانون ساز اسمبلی راہل کول کو وزیر بنایا جاسکتا ہے ۔ وہ پہلی بار ایم ایل اے منتخب ہوئے ہیں۔ درج فہرست ذات سے آتےہیں۔ جب آدیواسی سماج سے ہی بی جے پی ایم ایل اے سنجے گونڈ کا نام بھی ممکنہ وزراء کی فہرست میں ہے ۔ وہ سون بھدر کے اوبرا سے ایم ایل اے ہیں۔ درج فہرست ذات سے آتے ہیں ، اپنی سادگی کے لیے مشہور ہیں۔
شیڈول کاسٹ سے روی سونکر کو وزیر بنایا جاسکتا ہے ۔ وہ سون بھدر ضلع کی مہادیو ا سیٹ سے ایم ایل اے ہیں۔ باپ کلپ ناتھ سونکر 1989-1991رکن پارلیمنٹ رہ چکے ہیں۔ قبائیلی سماج میں کافی اثرو رسوخ ہے ۔
اگلے پانچ دنوںمیں کابینہ میں توسیع کی جائے گی ۔ مرکزی کابینہ میں توسیع میں چھوٹ گئی ذاتیوں کو جگہ دے کر اب انہیں کابینہ کی نمائندگی دی جارہی ہے ۔ پارٹی اب انتخابی حکمت عملی کومضبوط بنانے کے لیے علاقائی اور ذات پر مبنی پالیسی بنانے کی کوشش کررہی ہے ۔
