پیلی بھیت : (ایجنسی)
اترپردیش کے پیلی بھیت میں ہندو تنظیموں سے وابستہ کئی عہدیداروں نے یہاں ایک اسٹیڈیم میں ہاکی کوچ کے ذریعہ نماز ادا کئے جانے پر اعتراض درج کراتے ہوئے ایک تھانہ میں معاملہ درج کرنے کے لیے تحریر دی ہے ۔ پولیس نے یہ معلومات دی۔
پولیس کے مطابق ہندو تنظیم سے وابستہ لوگوں نے یہاں ایک اسٹیڈیم میں ہاکی کوچ کے ذریعہ نماز پڑھے جانے کی مخالفت کرتے ہوئے ہفتہ کو کوتوالی پولیس کو تحریر دے کر کہاکہ کوتوالی علاقہ میں واقع گاندھی اسٹیڈیم میں ایک ہاکی کوچ نماز پڑھتا ہے ، جس سے وہاں آنے والے لوگوں میں ناراضگی ہے ۔انہوں نے اس سلسلے میں ایف آئی آر درج کرنے کی مانگ کی ۔
پولیس آفیسر (سٹی) سنیل دت شرما نے نامہ نگاروں کو بتایا کہ اس معاملے کی تحقیقات کی جا رہی ہے اور اس نے پولیس سے کہا ہے کہ وہ اس بات کو یقینی بنائے کہ عوامی مقامات پر نماز نہ پڑھے ۔
اطلاع ملنے پر سٹی ڈسٹرکٹ مجسٹریٹ ارون کمار سنگھ پولیس آفیسر سنیل دت شرما، انسپکٹر انچارج شری کانت دویدی نے فورس کے ساتھ کواتولی پہنچے۔ تقریباً دو گھنٹے تک چلی بات چیت کے بعد افسران نے جانچ کی یقین دہانی کرائی۔ یہ بھی کہاکہ گاندھی اسٹیڈیم میں دوبارہ نماز نہیں پڑھنے دی جائے گی اور کوئی بھی نئی روایت نہیں شروع ہونے دی جائے گی۔
