نئی دہلی : (ایجنسی)
فوج اور فضائیہ کے ساتھ- ساتھ مسلح افواج کے افسران کو جلد ہی بھگوت گیتا اور کوٹیلیا کی معاشیات کی تعلیم دی جائے گی۔ ان کے نصاب میں اس کی پڑھائی کو شامل کرنے پر غور کیا جا رہاہے ۔ وزیر اعظم نریندر مودی کی کال سے متاثر ہو کر سکندر آباد ہیڈ کوارٹر واقع کالج آف ڈیفنس مینجمنٹ ( سی ڈی ایم ) قدیم ہندوستانی گرنتھوں پر ریسرچ شروع کیا ہے جو جدید جنگ اور فوجی نظم ونسق سے متعلق ہیں اور دو قدیم رسم الخط – بھگوت گیتااور ارتھ شاستر کی سفارش کی ہے ۔
میڈیا رپورٹس کے مطابق دہلی میں آرمی ہیڈ کوارٹر میں موجود ایک سینئر افسر نے کہاکہ بھگوت گیتا عسکری اصولوں، حکمت عملی اور جنگ اور زندگی کی اخلاقیات میں حکمت اور بصیرت کاخزانہ ہے ۔ وہ ہمارے افسران اور جوانوں کو پیچیدہ جدید جنگ میں ایک رہنمائی کرتے ہیں۔
دو سینئر عہدیداروں نے نام ظاہر نہ کرنے کی شرط پر اس کی تصدیق کی ہے۔ انہوں نے کہا ہے کہ اس سلسلے میں وسیع نظریاتی اور تحقیقی کام جاری ہے۔ تاہم انہوں نے اس معاملے پر تفصیلات بتانے سے انکار کر دیا۔ انہوں نے کہا کہ اس منصوبے پر کام جاری ہے۔ ہم اس بات کی تصدیق نہیں کر سکتے کہ یہ کورس کب شروع ہو گا یا کس اکیڈمی یا کورس میں یا کس کے لیےشروع کیا جائے گا ۔
’دی ایشین ایج‘ کی ایک رپورٹ کے مطابق لیفٹیننٹ جنرل انل بھٹ ،جنہوں نے پہلے جنرل آفیسر کمانڈنگ (جی او سی ) ایکس وی کاپرس اور ڈائریکٹرجنرل آف ملٹری آپریشن ( ڈی جی ایم ایو ) کے طور پر خدمات انجام دے چکے ہیں ، نے کہا کہ اس افزودہ تربیت کا فریم ورک سب کے لیے وسیع ہونا چاہیے۔ این ڈی اے یا آئی ایم اے میں داخل افسر سطح سے لے کر جنگی تربیت کی اعلیٰ سطح تک ۔
مسلح افواج کے منتخب حلقوں میں اس مسئلے پر بحث شروع ہو گئی ہے۔ کچھ لوگ اس کا خیرمقدم کر رہے ہیں اور کچھ اس پر شبہات کا اظہار کر رہے ہیں۔
