ملک کی ٹاپ ٹین یونیورسٹیوں کی فہرست میں جامعہ ملیہ،اور اے ایم یو بھی شامل

نئی دہلی(ایجنسی)

سال 2021 کے لیے نیشنل انسٹی ٹیوشن رینکنگ فریم ورک (این آئی آر ایف رینکنگ) مرکزی وزیر تعلیم دھرمیندر پردھان نے آج دوپہر جاری کیا ہے۔ بتادیں کہ یہ رینکنگ ہر سار جاری کی جاتی ہے جس کی بنیاد پر معلوم ہوتا ہے کہ ملک کی ٹاپ یونیورسٹیاں کون سی ہیں۔ سال 2021 میں جن 10 یونیورسٹیوں کی فہرست شامل کئی گئی ہے ان میں بنگلور کی انڈین انسٹی ٹیوٹ آف سائنس یونیورسٹی پہلے نمبر پر ہے، جبکہ علی گڑھ مسلم یونیورسٹی 10 ویں نمبر پر ہے۔ اس فہرست میں جے این یو اور بی ایچ یوبالترتیب دوسرے اور تیسرے نمبر پر ہیں۔

یونیورسٹی کی فہرست:

انڈین انسٹی ٹیوٹ آف سائنس ، بنگلور
جواہر لال نہرو یونیورسٹی ، نئی دہلی
بنارس ہندو یونیورسٹی ، وارانسی
کلکتہ یونیورسٹی ، کولکاتا
امریتا وشوا ودیاپیٹھ ، کوئمبٹور
جامعہ ملیہ اسلامیہ ، نئی دہلی
منی پال اکیڈمی آف ہائر ایجوکیشن ، منی پال
جادھو پور یونیورسٹی ، کولکاتا
حیدرآباد یونیورسٹی ، حیدرآباد
علی گڑھ مسلم یونیورسٹی ، علی گڑھ

قابل ذکر ہے کہ سال 2016 میں این آئی آر ایف کی فہرست 4 زمروں میں تیار کی گئی تھی جو سال 2019 میں بڑھ کر 9 ہوگئی۔ اس سال این آئی آر ایف انڈیا رینکنگ 2021 کا اعلان کل دس زمروں کے لیے کیا گیا ہے۔ اس میں یونیورسٹیاں ، مینجمنٹ ، کالجز ، فارمیسی ، میڈیسن ، انجینئرنگ ، آرکیٹیکچر ، اے آر آئی آئی اے (انوویشن اچیومنٹس پر اداروں کی اٹل رینکنگ) اور قانون شامل ہیں۔ اس سال ٹاپ ریسرچ انسٹی ٹیوٹس کا زمرہ بھی شامل کیا گیا ہے۔ کورونا کی وجہ سے اس سال بھی یہ پروگرام آن لائن منعقد کیا گیا۔