لکھنؤ : (ایجنسی)
لکھنؤ کے میدانتا اسپتال میں داخل سماج وادی پارٹی کے دبنگ لیڈر اعظم خاں کو جمعہ کو اسپتال انتظامیہ نےڈسچارج کر دیا ہے ۔ اب انہیں سیتا پور لانے کی تیاری چل رہی ہے ۔ پولیس افسروں کی مانے تو لکھنؤ سے سیتا پور جیل آنےتک تقریباً چند گھنٹے لگ جائیں گے ۔
قابل ذکر بات یہ ہے کہ سینئر ایس پی لیڈر اعظم خاں کو سانس لینے میں تکلیف ہونے پر سیتا پور جیل سے میدانتا اسپتال میں بھرتی کرایا گیا تھا۔ یہاں کیرٹیکل کیئر ماہرین کی ٹیم ان کی نگرانی کررہی تھی۔ اسپتال کے میڈیکل ڈائریکٹر ڈاکٹر راکیش کپور نے بتایا تھا کہ کمزوری اور سانس لینے میں تکلیف کی وجہ سے انہیں اسپتال میں بھرتی کرایا گیا تھا۔
بتادیں کہ سیتا پور جیل میں کورونا انفیکشن ہونے کے بعد ایس پی رکن پارلیمنٹ اعظم خاں کو میدانتا اسپتال میں بھرتی کرایا گیا تھا۔ یہاں رکن پارلیمنٹ کے کڈنی میں تکلیف ہونے لگی تھی۔ آپریشن کے بجائے دوا سے ڈاکٹروں نے علاج کیا۔ ٹھیک ہونے پر 13 جولائی کو ڈسچارج کردیا گیا تھا۔ یہاں سے انہیں دوبارہ سیتا پور جیل بھیج دیا گیاتھا۔
قابل ذکر بات یہ ہے کہ اعظم خاں کا آکسیجن لیول 90 تک آ گیاتھا ۔ آکسیجن لیول لگاتار نیچے گرنے کی وجہ سے ان کی حالت کو نازک دیکھتے ہوئے لکھنؤ لے جانےکا فیصلہ کیا گیا تھا ۔
