نئی دہلی:(ایجنسی)
انکم ٹیکس ڈپارٹمنٹ نے جمعہ کو یہاں آن لائن نیوز پورٹل’’نیوز کلک‘ اور ’نیوز لانڈری‘ کے کمپلیکسمیں الگ الگ اکاؤنٹس کا جائزہ لیا۔ افسران نے یہ معلومات فراہم کیں۔ انہوں نے کہا کہ یہ کارروائی نیوز اداروں کی جانب سے ٹیکس کی ادائیگی اور لین دین کی رقم سے متعلق کچھ تفصیلات کی تصدیق کے لیے کی گئی ہے۔ حکام نے بتایا کہ کچھ دستاویزات موصول ہوچکی ہیں اور ان کا جائزہ لیا جارہا ہے۔
انکم ٹیکس ایکٹ ، 1961 کی دفعہ 133 کے التزامات کے تحت چلائے جانے والے ’سروے(اکاؤنٹس کا جائزہ) مہم ‘ میں انکم ٹیکس افسران صرف کاروباری کمپلیکس اور اس سے جڑے کمپلیکس کامعائنہ کرتے ہیں اور رہائشی کمپلیکس میںنہیں جاتے، حالانکہ افسران دستاویزات ضبط سکتے ہیں۔
اس بار ے میں دونوں پورٹل یا ان کے ترجمان کی طرف سے فی الحال کوئی ردعمل سامنے نہیں آیاہے ۔ لیکن ان کے سوشل میڈیا ہینڈل پر لگاتار خبریں اور مضامین اپ ڈیٹ ہوتےرہے۔
منی لانڈرنگ کی روک تھام قانون کی دفعات کے تحت فروری میں ’نیوز کلک‘ اور اس کے بانیوں کے کمپلیکس پر انفورسمنٹ ڈائریکٹوریٹ ( ای ڈی) نےچھاپہ ماری کی تھی۔ یہاں جانچ نیوز پورٹل چلانے والی کمپنی کے ذریعہ مبینہ طور سے مشتبہ غیرملکی رقم کی مبینہ وصولی سےمتعلق ہے ۔
