جوہر یونیورسٹی کا یوم تاسیس انتہائی سادگی کے ساتھ منایا گیا

‏‏‎ ‎‏‏‎ ‎|‏‏‎ ‎‏‏‎ ‎ خبریں

رام پور: ( آرکے بیورو)

محمد اعظم خاں کے دیرینہ خواب کی تعبیر محمد علی جوہر یونیورسٹی کا 15 واں یوم تاسیس ان کی غیر موجودگی میں انتہائی سادگی کے ساتھ منایا گیا۔ اطلاع کے مطابق یونیورسٹی کے آڈیٹوریم میں ایک تقریب کا اہتمام کیا گیا۔ پروگرام کا افتتاح تلاوت کلام پاک سے ہوا۔تقریب میں مہمان خصوصی کے طور پر وائس چانسلر پروفیسر سلطان محمد خاں نے شرکت کی۔ انتظامی امور سے متعلق افسر اکبر مسعود نے استقبالیہ کلمات ادا کئے اوراساتذہ و طلبہ کو یونیورسٹی کے یوم تاسیس کی مبارکباد ی۔

بعد ازاں یونیورسٹی کے طلبہ و طالبات نے مختلف ثقافتی پروگرام پیش کئے۔ کامیاب طلبہ و طالبات کو یونیورسٹی انتظامیہ کے ذریعہ توصیفی اسناد سے نوازاگیا۔ کلچرل کمیٹی کی چیئرمین ڈاکٹر گلریز نظامی نے تمام شرکاء کا شکریہ ادا کیا۔بعدازاںشرکاء میں مٹھائی تقسیم کی گئی۔

قارئین سے ایک گزارش

سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔