نئی دہلی : (ایجنسی)
سوشل میڈیا پر ایک ویڈیو وائرل ہو رہی ہے جس میں دیکھا جاسکتا ہے کہ ایک شخص کو پتھروں سے مار دیا گیا ۔ دعویٰ کیا جا رہاہے کہ یہ ویڈیو پتھرمار کر ایک شخص کا قتل کرتے طالبانیوں کاہے ۔ افغانستان پر طالبان کے قبضے کے بعد سے ہی سوشل میڈیا پر کئی غیر مصدقہ ویڈیوز ،تصاویر حال کی بتا کر وائرل ہو رہی ہیں ۔
دی کوئنٹ کی خبر کے مطابق سال 2018 کی ایک خبر ملی ، جس میں اسی ویڈیو کے اسکرین شاٹس ہیں۔ اس رپورٹ کے مطابق یہ واقعہ افغانستان کے صوبے جوجان کا ہے ، جہاں ایک 60 سالہ شخص کو اپنی ہی بیٹی کے ساتھ آبرو ریزی کرنے کے الزام میں اسلامک اسٹیٹ نے پتھروں سے مارکر مار ڈالا تھا ۔
کئی سوشل میڈیا یورز نے اس ویڈیو کو افغانستان میں طالبان کے ظلم کا بتاکر شیئر کیا۔
ہمیں سال 2019 کے ٹویٹ میں یہی ویڈیو ملی، لیکن اس ٹویٹ میں ویڈیو کوالگ دعویٰ سے شیئر کیا گیاہے ۔ اس ٹویٹ میں دعویٰ کیا گیا ہے کہ ویڈیو افغانستان میں پتھروں سے ہوئے عیسائی خاتون کے قتل کی ہے ۔اس ویڈیو کو ٹوئٹر پر 10 لاکھ سے زیادہ بار دیکھا جا چکاہے ۔
