نئی دہلی : (ایجنسی)
اکتوبر کے مہینے کی آمد کے ساتھ ہی بھارت میں تہواروں کا سیزن شروع ہو جاتا ہے۔ تہواروں کی وجہ سے بینک بھی بند رہتے ہیں۔ اس سال اکتوبر میں بینک تقریباً 21 دن کے لیےبینک بند رہیں گے ، اس لیے ضروری ہے کہ آپ کسی بھی طرح کے مسائل سے بچنے کے لیے اپنے ضروری کام کو پہلے ہی نمٹا لیں۔ اکتوبر مہینے میں 21 دن بینک بند رہنے کو لے کر ریزرو بینک کی طرف سے ایک گائنڈ لائن بھی جاری کی گئی ہے ، حالانکہ اس دوران آن لائن بینکنگ جاری رہے گی۔ صارف موبائل اور انٹرنیٹ کے ذریعہ لین دین کرسکیں گے ۔
اکتوبر مہینے میں ہونے والے 21 بینک تعطیلات میں 14 چھٹیاں آر بی آئی کے ذریعہ اعلان کی گئی ہیں ۔ اس کے علاوہ اس میں 7 ہفتہ وار چھٹیاں بھی شامل ہیں ۔ اس میں اتوار کو ہونے والی چھٹی ، دوسرے اور چوتھے ہفتہ کو ہونے والی چھٹی شامل ہیں۔ اکتوبر مہینے میں 1 ، 2 ، 3 ، 6 ، 7 ، 9 ، 10 ، 12 ، 13 ، 14 ، 15 ، 16 ، 17 ، 18 ، 19 ، 20 ، 22 ، 23 ، 24 ، 26 اور 31 تاریخ کوبینکوں میں تعطیلات رہیں گی۔ حالانکہ 21 دن کی چھٹیوں میں کچھ علاقائی چھٹی بھی شامل ہیں جو الگ الگ ریاستوں کے بینکوںمیں لاگو ہوگی ۔
یکم اکتوبر سے ان بینکوں کے بے کار ہوجائیں گے چیک بک
یکم اکتوبر سے تین بینکوں کے چیک بک اور ایم آئی سی آر کوڈ بے کار ہوجائیں گے ۔ الٰہ آباد بینک کا ضم انڈین بینک میںہوا ہے ، جو یکم اپریل 2020 سے نافذ العمل ہے۔ وہیں اورینٹل بینک آف کامرس اور یونائیٹڈ بینک آف انڈیا کو پنجاب نیشنل بینک میں ضم کر دیا گیا جو یکم اپریل 2019 سے نافذ العمل ہو گیا۔ ان وجوہات کی وجہ سے اب ان بینکوں کی پرانی چیک بکیں بے کار ہو جائیں گی۔ لہٰذا ، اگر آپ کا ان بینکوں میں اکاؤنٹ ہے اور آپ بغیر کسی رکاوٹ کے اپنے بینکنگ لین دین جاری رکھنا چاہتے ہیں تو آپ یکم اکتوبر 2021 سے پہلے ایک نئی چیک بک حاصل کر سکتے ہیں۔
