لکھنؤ : (ایجنسی)
یوپی حکومت نے کورونا پروٹوکول کے بعد کھلی جگہوں پر شادی کی تقریبات منعقد کرنے کی اجازت دی ہے ، لیکن مہمانوں کی تعداد پنڈال کے رقبے کے مطابق ہوگی۔ تقریب کے مرکزی دروازے پر کووڈ ہیلپ ڈیسک ہونا ضروری ہوگا۔
منگل کو ٹیم- 9 کے ساتھ ایک میٹنگ میں وزیر اعلیٰ یوگی آدتیہ ناتھ نے کہا کہ وزیر اعظم نریندر مودی کی رہنمائی میں جاری کووڈ وبا کے خلاف جنگ میں اترپردیش محفوظ ہے۔ جہاں ٹریس ، ٹیسٹ اور علاج کی حکمت عملی نے انفیکشن پر موثر قابو پایا ہے ، وہیں 10 کروڑ 39 لاکھ 55 ہزار ویکسین لگا کر اترپردیش کووڈ ویکسینیشن میں بھی ملک میں پہلے نمبر پر ہے ۔
