لکھنؤ : (ایجنسی)
سماج وادی پارٹی کے صدر اکھلیش یادو نے ایک بار پھر ای وی ایم پر سوال اٹھائے ہیں۔ انہوں نے دعویٰ کرتے ہوئے کہا کہ بی جے پی بیلٹ پول ہار جائے گی۔ ای وی ایم کو ہٹانے سے سماج وادی پارٹی دوبارہ حکومت بنائے گی۔ اکھلیش نے کہا کہ امریکہ جیسا ملک بیلٹ استعمال کر رہا ہے۔
لکھنؤ میں اترپردیش کے سابق وزیر اعلیٰ اکھلیش یادو نے الزام لگاتے ہوئے کہاکہ کیا ہو رہاہے گورکھپور میں جہاں سے وزیر اعلیٰ منتخب ہو کر آتےہیں ،جہاں وزیر اعلیٰ جا کر واپس آتے ہیں وہاں قتل ہوجاتا ہے ،جس پولیس پر اعتماد تھا اسی نے جان لے لی اور ابھی بھی فرار ہے ۔ یہ فرار ہیں یا سرکار نے انہیں فرار کیا ہے ؟ انہوں نے کہاکہ پورا پردیش جانتا ہے کہ پولیس کپتان کے خلاف اس لئے کارروائی نہیں ہو رہی ہے کیونکہ وہ بی جے پی کے رشتہ دار ہیں۔ انتظامیہ سے جب بی جے پی الیکشن جتانے کا کام لے گی تو کیسے امید کر سکتے ہیں کہ انصاف ملے گا؟
اس سے پہلے بھی اکھلیش نے کارکنوں سے ای وی ایم اور ڈی ایم سے ہوشیار رہنے کی اپیل کی تھی۔ اکھلیش نے الزام لگایا تھا کہ بہار میں ای وی ایم اور ڈی ایم نے بے ایمانی کی اور بنگال میں صحیح جواب ملا۔
اکھلیش یادو نے کارکنوں سے کہا تھا کہ اس بار بوتھوں بھارتیہ جنتا پارٹی (بی جے پی) کی بری نظر لگی ہے اور ایسے میں جمہوریت کو بچانے کے لیے ایس پی کارکنوں کی اگنی پرکشا کا وقت ہے ۔ انہوں نے کہاکہ سماج وادی پارٹی نے اپنے کارکنوں سے کہا ہے کہ وہ بغیر وقت گنوائے اپنے اپنے علاقوں میں پوری مستعدی سے مصروف ہوجائیں۔ اس کام میں کوئی کوتاہی نہ ہو ۔ بوتھ پر ہلکی سے غلطی نہیں ہونی چاہئے اور کارکنان یہ نہ بھولیں کہ انہیں ایسا موقع دوبارہ ملنے والا نہیں ہے ۔
