لکھیم پور کھیری ( ایجنسی)
لکھیم پور کھیری کے تکونیا میں ڈپٹی سی ایم کیشو پرساد کے مرکزی وزیر مملکت برائے داخلہ اجے مشرا ٹینی کے گاؤں بنویر پہنچنے کی خبر پر اتوار کو ہزاروں کسانوں نے تکونیہ کوچ کردیا اور مہاراجہ اگرسین کھیل میدان میں بنے اس ہیلی پیڈ سائٹ پر قبضہ جمالیا، جہاں ڈپٹی سی ایم کا ہیلی کاپیٹر اترنا تھا۔ لیکن کسانوں کی مخالفت کی سرگرمی پر اتوار صبح ڈپٹی سی ایم کا پروگرام بدل دیا گیا اور صبح ساڑھ نو بجے لکھنؤ سے بذریعہ سڑک چل کر دوپہر 12 بجے وہ لکھیم پور پہنچے۔
وہیں تکونیہ میں ناراض کسانوں نے ڈپٹی سی ایم کے استقبال میں لگی ہورڈنگ کو اکھاڑ کر احتجاج کیا۔ اتوار کو دوپہر دو بجے ڈپٹی سی ایم کیشوپرساد کا تکونیہ میں ہیلی کاپٹر اترنے کا پروگرام تھا ، لیکن اس کی سرگرمی ہونے پر اتوار کو صبح ہی پلیا، بھرا ،بیجوا ، کھجوریہ اور سمپورن نگر وغیرہ جگہوں سے ہزاروں کی تعداد میں کسان ہاتھوں میں کالا جھنڈا لے کر تکونیہ پہنچ گئے اور مہاراجہ اگرسین اسپورٹ گراؤنڈ پر قبضہ کرلیا ۔
یہیں پر ڈپٹی سی ایم کا ہیلی کاپٹر اترنا تھا۔ بائیک اور کاروں سے پہنچے ہزاروں کسانوں نے وہاں ٹینٹ لگا دیا اور سرکار مخالفت تقریر شروع کردی۔ اس دوران کسانوں کو سنبھالنے میں پولیس کے پسینے چھوٹ گئے۔ آس پاس کے تھانوں کی پولیس بھی وہاں لگائی گئی ہے۔ جبکہ تکونیہ میں تعینات بھیرا ایس او اجے رائے نے بتایا کہ ان کی ڈیوٹی تکونیہ میں لگی ہے۔ فورس مسلسل کسانوں کو روکنے کی کوشش کی جارہی ہے لیکن کسان اہم شاہراہوں کو چھوڑ کر گاؤں کے راستے سے تکونیہ پہنچ گئے ، ہر چوراہے پر وہ نگرانی رکھ رہے ہیں ۔
کسانوں نے تکونیہ کے جس اگرسین اسپورٹ گراؤنڈ پرقبضہ کرلیا ہے۔ وہاں سے تقریباًتین کلومیٹر کی دوری پر کھیری کے رکن پارلیمنٹ اجے مشرا ٹینی کا گاؤں بنویر پور ہے۔ جہاں پر سابق سیکنڈری اسکول میں کشتی کامقابلہ تھا جس میں ڈپٹی سی ایم کو پہنچنا تھا ۔
