میڈیا اداروں پر حملے کے الزام میں بی جے پی یووا مورچہ کا لیڈر گرفتار

‏‏‎ ‎‏‏‎ ‎|‏‏‎ ‎‏‏‎ ‎ خبریں

اگرتلہ: (ایجنسی)

بی جے پی یووا مورچہ کے لیڈر کو کرائم برانچ نے اتوار کو اگرتلہ میں میڈیا اداروں پر حملہ کرنے کے الزام میں گرفتار کیا۔ ملزم کو مقامی عدالت نے 5 اکتوبر تک عدالتی تحویل میں بھیج دیا ہے۔ یہ حملہ 8 ستمبر کو اگرتلہ کے کئی میڈیا اداروں پر ہواتھا۔ ملزم کی شناخت رگھو لودھ (32) کے طور پر ہوئی ہے اور وہ اگرتلہ میں بی جے پی کے یوتھ ونگ کا معاون ترجمان ہے۔

لودھ پر آئی پی سی کی دفعات 447 (مجرمانہ تجاوزات کرنے) ، 448 (گھر پر قبضہ کرنے) ، 427 (پچاس روپے سے زیادہ کا نقصان پہنچانا) ، 436 (گھر تباہ کرنے کے ارادے سے آگ یا دھماکہ خیز مواد استعمال کرنا) اور 326 (جان بوجھ کر جان لیوا ہتھیار سے چوٹ پہنچانے)کے تحت مقدمہ درج کیا گیا ہے۔ایک دیگر معاملے میں ان پر گاڑی کو جلانے اور سیاسی پارٹی کے دفتر میں توڑ پھوڑ کا الزام ہے۔

BJP criminals burn Bishalgarh office of the CPI(M) and were helped by the police. BJP is using state machinery to attack the opposition voices in the state. This cowardly attack must immediately stop. pic.twitter.com/jwXzD6HHWX
— CPI (M) (@cpimspeak) September 8, 2021

صحافیوں سے گفتگو کرتے ہوئے اسسٹنٹ پبلک پراسیکیوٹر کھوکن دیب ناتھ نے کہا کہ لودھ کو اتوار کے روز اگرتلہ میں ایڈیشنل چیف جوڈیشل مجسٹریٹ کی عدالت میں گرفتار کر کے پیش کیا گیا تھا ۔

اسسٹنٹ پبلک پراسیکیوٹر کھوکن دیب ناتھ نے دی وائر کو بتایا ، ’تفتیشی افسر نے کہا ہے کہ ملزم کو اتوار کی صبح 11 بجے گرفتار کیا گیاتھا۔ انہوں نے ملزمان سے چار دن کی تحویل مانگی لیکن عدالت نے لودھ کو 5 اکتوبر تک عدالتی تحویل میں بھیج دیا۔

قارئین سے ایک گزارش

سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔