کانپور : (ایجنسی)
یوپی کے گورکھپور میں کانپور کے تاجر منیش گپتا کے مبینہ قتل کے معاملے میں اتوار کو کارروائی کی گئی ہے۔ پولیس نے دو ملزم پولیس اہلکاروں کو گرفتار کیا ہے۔ اس میں سے ایک پولیس اہلکار واقعہ کے وقت ایس آئی کے طور پر تعینات تھا، جبکہ دوسرا انسپکٹر کی پوسٹ پر تھا۔
معلومات کے مطابق منیش گپتا کیس میں دونوں پولیس اہلکاروں پر ایک لاکھ روپے انعام کا اعلان کیا گیا تھا۔ گرفتار ملزمان میں سے ایک کا نام انسپکٹر جے این سنگھ اور دوسرے کا نام ایس آئی اکشے مشرا ہے۔ دونوں کو گورکھپور پولیس نے گرفتار کیا۔ اس کے بعد دونوں پولیس اہلکاروں کو کانپور ایس آئی ٹی کے حوالے کردیا گیا ہے۔
واضح رہے کہ کانپور کے تاجر منیش گپتا اپنے دوستوں کے ساتھ گورکھپور کے ایک ہوٹل میں ٹھہر ہوئے تھے جب پولیس والے ان کے کمرے میں داخل ہوئے۔ اس کے بعد انہیں مبینہ طور پر مارا پیٹا گیا۔ اس معاملے میں گورکھپور کے چھ پولیس اہلکاروں کو ملزم بنایا گیا ۔ ملزم اس واقعہ کے بعد سے مفرور تھا ، جن میں سے دو کو آج گرفتار کیا گیا۔ کیس کے آغاز میں مفرور ملزم پر 25-25 ہزار کے انعام کا اعلان کیا گیا تھا جسے بعد میں بڑھا کر ایک ایک لاکھ کردیا گیا۔
معاملے کو طول پکڑنے کے بعد اپوزیشن نے یوگی حکومت پر حملہ کیاتھا۔ ایس پی صدر اکھلیش یادو نے منیش گپتا کی بیوی میناکشی اوراہل خانہ کے دیگر افراد سے ملاقات کی تھی۔ بعد میں حکومت نے معاملے کی سی بی آئی انکوائری کی سفارش کردی تھی۔ تاہم ، سی بی آئی نے ابھی تک اس معاملے کو اپنے ہاتھ میں نہیں لیا ہے۔ اس کی وجہ سے ایس آئی ٹی ٹیم پورے معاملے کی جانچ کر رہی ہے۔
بتادیں کہ کانپور کی ایس آئی ٹی ٹیم نے مینش گپتا کے دونوں کے بیان درج کئے تھے۔ کانپور بلاک کر منیش گپتا کے دونوں دوستوں کے ساتھ ساتھ ایس آئی ٹی نے منیش کی بیوی مناکشی کا بھی بیان درج کیا۔ گورکھپور میں منیش گپتا قتل واقعہ کی جانچ کر رہی ایس آئی ٹی نے گزشتہ بدھ کو کانپور میں منیش گپتا کے گھر پر پی ان کے دونوں دوست ہریویر اور پردیپ سنگھ کو بلا کر بیان درج کیا۔ ایس آئی ٹی کی اس پوچھ گچھ میں ڈی سی پی نارتھ روینہ تیاگی ایڈیشنل ڈی سی پی کے ساتھ ایس آئی ٹی کی پوری ٹیم موجود تھی۔ ایس آئی ٹی نے پہلے تین لوگوں سے الگ الگ پوچھ گچھ کی اور پھر منیش گپتا کی بیوی میناکشی کو پورے واقعہ کی دی گئی اطلاع پر ایس آئی ٹی نے الگ سے پوچھ گچھ کی تھی ۔
