نوح میوات (پریس ریلیز)
ہریانہ کے وزیر اعلیٰ منوہر لال کھٹر نے کہا کہ مستقبل میں ایسے علاقوں میں زبان سکھانے کے منصوبے بندی کی جائے گی، جہاں جو زبان کثرت سے بولی جاتی ہو۔اس لسانی منصوبہ بندی سے اس علاقے کے لوگوں کو فائدہ ہوگا۔ یہ اعلان وزیراعلیٰ ہریانہ نے اردو زبان کے تئیں گزشتہ برس ہریانہ راجستھان میوات میں چلائی گئی اردو مہم کے تناظر میں ایسے وقت میں کہی جب وہ اپنی چنڈی گڑھ رہائش گاہ پر منعقدہ اقلیتی مورچہ کے براہ راست مکالمہ پروگرام کر رہے تھے۔ اس دوران بی جے پی اقلیتی مورچہ کے قومی نائب صدر اور ہریانہ وقف بورڈ کے ایڈمنسٹریٹر چودھری ذاکر حسین ، سابق ایم ایل اے ، بی جے پی اقلیتی مورچہ کے ریاستی صدر نسیم احمد، چیف منسٹر کے او ایس ڈی بھوپیشور دیال اور اجے گوڑ موجود تھے۔
ہریانہ ایک ہریانوی ایک کے نعرے پر زور دیتے ہوئے وزیر اعلیٰ نے کہا کہ ہمیں ریاست میں امن ، ہم آہنگی اور بھائی چارے کے ساتھ مل کر رہنا ہے۔ ایک دوسرے کی مدد کرنا اور ان کے رسم و رواج کا احترام کرنا ، تب ہی سبھی سماج کا بھلا اور بہتر ہوگا۔ انہوں نے کہا کہ بھارتی جنتا پارٹی اسی مقصد کے ساتھ آگے بڑھ رہی ہے۔ بہت سے لوگ اور دیگر جماعتیں ووٹ بینک کی سیاست اور ذات پات کی سیاست کی وجہ سے اقلیتی کمیونٹی کو گمراہ کرنے کی کوشش کرتی ہیں ، ایسے لوگوں کی بہکاوئےمیں نہ آئیں اور معاشرے اور ملک کے مفاد میں کام کریں۔
وزیر اعلیٰ منوہر لال نے کہا کہ مرکزی اور ریاستی حکومتیں انتہائی پسماندہ علاقوں پر خصوصی نظر رکھے ہوئے ہیں۔ ایسے علاقوں میں ترقی کے ساتھ ساتھ تعلیم اور صحت کی خدمات کو مزید بہتر بنایا جائے گا۔
اقلیتی مورچہ کے مطالبہ پر وزیر اعلیٰ منوہر لال کھٹر نے مسلم اکثریتی علاقوں میں 5 کمیونٹی سینٹر بنانے کا اعلان کیا۔ اس کے لیے انہوں نے مورچہ کے عہدیداروں سے 5 مقامات کا انتخاب کرنے اور ایک فہرست دینے کو کہا۔ وزیر اعلیٰ نے کہا کہ گرام درشن پورٹل کسی بھی گاؤں میں ترقی سے متعلقہ مسائل کے لیے بنایا گیا ہے۔ اس پورٹل پر ، گلی ، نالی اور آپ کے گاؤں کے دیگر مسائل براہ راست ضلعی انتظامیہ تک پہنچ سکتے ہیں۔ اسی خطوط پر حکومت نگر درشن پورٹل بھی تیار کرے گی جو شہریوں سے متعلقہ مسائل کے لیے ہوگا۔
وزیر اعلیٰ نے کہا کہ حکومت نے قبرستان اور شمشان گھاٹ کی رکھ رکھاؤ کے لیے شیودھام وکاس یوجنا شروع کی ہے۔ اس اسکیم کے تحت ، ان مقامات کی باؤنڈری وال ، شیڈز اور پینے کے پانی کے انتظام کے ساتھ ٹریفک کی آمد رفت کے لیے راستوں کو پختہ کیا جا رہا ہے۔ انہوں نے کہا کہ اگر ان علاقوں میں کوئی کمی ہے تو ضلع ڈپٹی کمشنر کو تحریری طور پر شکایت دیں، مسئلہ حل ہو جائے گا۔
وزیراعلیٰ نے کہا کہ ربیع کی فصلوں کے لیے ریاست کے کسانوں کے لیے کھاد کی کوئی کمی نہیں ہوگی۔ اس سلسلے میں وہ پہلے ہی دہلی میں مرکزی وزیر سے مل چکے ہیں۔ ہریانہ کو کھادوں کی سپلائی جلد مل جائے گی۔
وزیر اعلیٰ منوہر لال نے اقلیتی مورچہ کے تمام عہدیداروں سے مطالبہ کیا کہ وہ اپنے ارد گرد کے تمام لوگوں کے خاندانی شناختی کارڈ رجسٹر کریں۔ مرکزی اور ریاستی حکومت کی تمام اسکیموں کے فوائد پی پی پی کے ذریعے مستقبل میں دستیاب ہوں گے۔ انہوں نے کہا کہ حکومت انتہائی غریب خاندانوں تک براہ راست پہنچے گی۔ وزیر اعلیٰ پریوار ترقی یوجنا کے ذریعے حکومت پچاس ہزار سے کم آمدنی والے خاندانوں کو ان کے ہنر کے مطابق کام دے گی۔اس سے ان کی آمدنی میں اضافہ ہوگا۔
