نوئیڈا (ایجنسی)
اتر پردیش کے ضلع نوئیڈا میں پاکستان زندہ باد کے نعرے لگانے کا معاملہ سامنے آیا ہے۔ واقعے کی ویڈیو وائرل ہونے کے بعد پولیس حرکت میں آئی اور تین لوگوں کو گرفتار کیا ہے ۔ منگل کو عید میلاد النبی ؐ کےموقع پر جلوس نکالا جا رہا تھا۔ اسی دوران پاکستان کے نعرے لگائے جانےلگے۔ اس کی ویڈیو سامنے آنے کےبعد کچھ لوگوں نے نوئیڈا سیکٹر 20 کے تھانے میں پہنچ کر اپنی ناراضگی ظاہر کی اور شکایت درج کرائی۔ واقعہ نوئیڈا کے تھانہ سیکٹر8-کا ہے جہاں منگل کو 12ربیع الاول کےجلوس کا انعقاد کیاگیا تھا۔
جن ستہ کی رپورٹ کے مطابق پولیس افسر راجیش ایس نے بتایا کہ ویڈیو وائرل ہونے کے بعد اس کی جانچ میں یہ پایا گیا کہ کچھ لوگ جلوس کے دوران پاکستان زندہ باد کے نعرے لگا رہے تھے ۔ انہوں نے بتایا کہ ویڈیو کی بنیاد پر معاملہ درج کر کے محمد جعفر ،سمیر علی اور علی رضا کو گرفتار کرلیا گیا ہے۔ اس کےعلاوہ کچھ دیگر فرار ملزمین کی تلاش کی جاری ہے ۔
حیرت کی بات یہ ہے کہ جب یہ نعرے لگائے جا رہے تھے ، پولیس بھی وہاں موجود تھی لیکن کوئی کارروائی نہیں کی گئی ، اس دوران وہاں موجود کسی نے اسے اپنے موبائل میں قید کر لیا اور سوشل میڈیا پر شیئر کر دیا ، جس کے بعد کچھ ہی وقت میں یہ ویڈیو وائرل ہو گئی۔
بتا دیں کہ ان دنوں پاکستان کا مسئلہ ملک میں گرم ہے ، ایک طرف کشمیر میں پاکستان کی سرپرستی میں ہونے والی دہشت گردانہ سرگرمیوں میں اضافہ ہوا ہے ، شہری مارے جا رہے ہیں ، اور دوسری جانب کرکٹ ٹی- 20 ورلڈکپ میں بھارت اور پاکستان کی ٹیم آمنےسامنے ہوں گی۔
وہیں اس معاملے کو لےکر سوشل میڈیا پر بھی لوگوں کی ناراضگی دیکھنے کو ملی ہے۔ مینک جوہری نام کےیوزر لکھتےہیں لوگ سیکولر انڈیا کی بات کرتے ہیں لیکن دوسری طرف اسی سیکولرزم کو اپنانا نہیں چاہتے ہیں۔ وہیں منیش رائے نے سی ایم یوگی سے اپیل کی ہے کہ جلد سے جلد ملزمین کو پکڑا سخت سزا دی جائے ۔
