نئی دہلی:(ایجنسی)
دہلی میں کووڈ-19 کی وجہ سے بند کئے گئے تمام اسکول اب پھر کھلنے جا رہے ہیں ۔ دہلی کے نائب وزیر اعلیٰ منیش سسودیا نے کہا کہ اسکول یکم نومبر سے تمام اسکول کھولے جاسکیں گے ۔ اسکول کھلنے پر کسی بھی سرپرست کو اپنے بچے کو اسکول بھیجنے کے لیے پابند نہیں کیا جائے گا۔ تعلیم بلینڈڈ موڈ میں ہی ہوں گے ، یعنی فیزیکل اور آن لائن دونوں ساتھ چلیں گے ۔ 50 فیصد سے زیادہ بچوں کو ایک بار میں نہیں بلایا جاسکے گا ۔ اسکول یہ یقینی بنائے گا کہ اس کےتمام اسٹاف کو ویکسین لگ چکی ہے ۔98 فیصد کو پہلی ڈوز لگ چکی ہو۔ نائب وزیر اعلیٰ منیش سسودیا کے اس اعلان کا مطلب یہ ہے کہ اب نرسری سے لے کر آٹھویں تک کے بچے بھی اسکول جاسکیں گے ۔ مارچ 2020 میں جیسے ہی کورونا انٹری ہوئی تھی اسکول بند کردئے گئے تھے ۔ اس کےبعد جنوری 2021 میں 9 ویں سے 12 ویں کےبچوں کے لیے کچھ اسکول کھولے گئے تھے، لیکن 8 ویں تک کے بچے مارچ 2020 کےبعد یکم نومبر سے پہلی بار اسکول جاسکیں گے ۔
بتا دیں کہ دہلی میں 9ویں سے 12ویں جماعت تک کے اسکول 50 فیصد صلاحیت کے ساتھ پہلے ہی کھلے ہوئے ہیں ۔ کلاس روم کی سیٹنگ صلایت کے زیادہ سے زیادہ 50 فیصدی تک بچے ایک بار میں کلاس کر سکتے ہیں ۔ ہر کلاس میں سوشل ڈسیٹنسنگ کے لیے الگ الگ وقت کا فارمولہ ہے۔ مارنگ اور ایوننگ شفٹ کے اسکولوں میں دونوں شفٹوں کے درمیان کم سے کم ایک گھنٹے کا وقفہ ضروری ہے ۔بچوں کو اپنا کھانای ، کتابیں اور دیگر اسٹیشنری کا سامان ایک دوسرے سے شیئر نہیں کرنے کا مشورہ دیا گیا ہے۔ لنچ بریک کو کسی کھلی جگہ میں اس الگ الگ وقت پر رکھنے کی صلاح دی گئی ہے تاکہ ایک وقت میں زیادہ بھیڑ جمع نہ ہو۔ بیٹھنے کا انتظام اس طرح سے کیا جائے کہ ایک سیٹ چھوڑ کر بیٹھنے کاانتظام ہو۔ بچوںکو اسکول بلانے کے لیے سرپرستوں ؍ والدین کی منظوری ضروری ہے۔ کوئی سرپرست اگر اپنے بچوںکو اسکول بھیجنا نہیں چاہتا ہے تو اس کےلیے اسے پابندنہیں کیا جائے گا ۔
غور طلب ہے کہ آج دہلی میں چھٹھ پوجا کی اجازت دی گئی ہے۔ منیش سسودیا نے ڈی ڈی ایم اے کے ساتھ میٹنگ کے بعد یہ اعلان کیا۔ انہوں نے کہا کہ اب دہلی میں عوامی طور پر چھٹھ منائی جا سکے گی، لیکن کورونا کی وجہ سے ضروری احتیاط اور سختی برتی جائے گی۔ بتا دیں کہ چھٹھ پوجا کو لے کر دہلی میں کافی سیاست ہوئی تھی۔ دہلی ڈیزاسٹر مینجمنٹ اتھارٹی نے 30 ستمبر کو ایک حکم نامہ جاری کیا تھا، جس میں ندی کنارے اور عوامی مقامات پر چھٹھ پوجا پر پابندی لگا دی گئی تھی۔ اس کے خلاف بی جے پی رکن پارلیمنٹ منوج تیواری نے وزیر اعلیٰ اروند کیجریوال کی رہائش گاہ کے باہر مظاہرہ کیا تھا جس میں وہ بھی واٹر کینن سے زخمی ہو گئے تھے۔یکم نومبر سے کھل جائیں گے دہلی میں تمام اسکول: منیش سسودیا
