مہاراشٹر: لاک ڈاؤن کے ڈر سے مزدور چلے اپنے گھر

ممبئی:
ممبئی میں لاک ڈاؤن کے امکان کے درمیان ، لوک مانئے تلک ٹرمینس ریلوے اسٹیشن اور چھترپتی شیواجی مہاراج ٹرمینس پر زبردست بھیڑ دیکھنے کو مل رہی ہے۔ دونوں اسٹیشنوں پر لوگوں کی ایک بڑی تعداد یوپی اور بہار جانے کے لئے نکل پڑے ہیں۔ بتایا جارہا ہے کہ وزیر اعلیٰ ادھو ٹھاکرے کے سخت لاک ڈاؤن کی انتباہ کے بعد خاص طور پر شمالی ہندوستان سے آئے لوگوں کی ایک بڑی تعداد نے ممبئی چھوڑنے کا فیصلہ کیا ہے۔
پچھلے کئی دنوں سے ممبئی میں کورونا کیسز دن بدن بڑھتے جارہے ہیں اور تمام ریکارڈ توڑ رہے ہیں۔ یہی وجہ ہے کہ وزیر اعلیٰ ادھو ٹھاکرے نے جمعہ کے روز ریاست کے عوام سے اپیل کی ہے کہ ممبئی میں بڑھتے ہوئے کورونا کیس انہیں لاک ڈاؤن لگانے پر مجبور کرسکتے ہیں۔
حالانکہ یوپی بہار میں رہنے والے لوگ عام طور پر اسکول کی تعطیلات کے بعد گاؤں واپس جاتے ہیں، لیکن سی ایم ٹھاکرے کی لاک ڈاؤن کے انتباہ نے انہیں وقت سے پہلے ہی گاؤں جانے پر مجبور ہیں۔ گورےگاؤں کے اوم پرکاش سنگھ کا کہنا ہے کہ ویسے تو وہ اپنے پریوار کے ساتھ وسط اپریل میں جون پورجاتے ہیں لیکن کہیں دوبارہ سے لاک ڈاؤن نہ لگ جائے اس لئے انہوں نے ابھی گاؤں جانے کا فیصلہ کیا ہے۔ گزشتہ بار لاک ڈاؤن میں اوم پرکاش کو کافی پریشانیوں کا سامنا کرنا پڑا تھا۔ ایسے ہی یہاں تارکین وطن ہیں جو اس انتباہ کے بعد اپنے اپنے گاؤں واپس جانے کیلئے ریلوے اسٹیشنوں پر جمع ہوگئے ہیں۔