نئی دہلی:(ایجنسی)
پردھان منتری غریب کلیان انا یوجنا کے تحت مفت راشن کی تقسیم کو ہولی سے آگے بڑھادیا گیا ہے۔ یہ جانکاری ہفتہ کو وزیر اعظم کے دفتر (پی ایم او) نے دی۔ پی ایم او کی طرف سے جاری ایک بیان میں پی ایم نریندر مودی نے کہا کہ اس کورونا کے دور میں ہم نے پوری خلوص سے کوشش کی ہے کہ کوئی غریب بھوکا نہ سوئے۔ فی الحال، پی ایم غریب کلیان انا یوجنا کے تحت مفت راشن فراہم کرنے کی مہم کو ہولی سے آگے بڑھا دیا گیا ہے۔
24 نومبر کو وزیر اعظم نریندر مودی کی زیر صدارت کابینہ کی میٹنگ میں پردھان منتری غریب کلیان انا یوجنا (PMGKAY) کو مارچ 2022 تک بڑھانے کی منظوری دی گئی تھی، جس کے مطابق اس اسکیم کے تحت استفادہ کرنے والوں کو مارچ 2022 تک مفت راشن فراہم کیا جائے گا۔
PMGKAY کے تحت، 80 کروڑ سے زیادہ لوگوں کو ہر ماہ 5 کلو مفت گندم؍چاول کے ساتھ ساتھ ہر خاندان کو ایک کلو گرام مفت چنا دستیاب کرایاجارہاہے۔ PMGKAY کے تحت، حکومت نیشنل فوڈ سیکورٹی ایکٹ (NFSA) کے تحت 80 کروڑ راشن کارڈ ہولڈروں کو مفت راشن فراہم کرتی ہے۔ انہیں راشن شاپس کے ذریعے سبسڈی والے اناج کے علاوہ مفت راشن دیا جاتا ہے۔
سابقہ حکومتوں کی لاپروائی سےکسانوں کو سو گنا زیادہ قیمت ادا کرنی پڑی:مودی
دریں اثناء وزیراعظم نریندرمودی نے اترپردیش کے دہائیوں سے التوار کا شکار’ سریو نہر ر‘پروجیکٹ ‘ میں تاخیر کے لئے گذشتہ حکومتوں کو ذمہ دار قرار دیتے ہوئے کہا کہ اس طرح کے لاپرواہ رویہ کا خامیازہ کسانوں کو سو گنا زیادہ قیمت ادا کر کے کرنی پڑی ہے۔
مودی نے ہفتہ کو سریو نہر راشٹریہ پروجکٹ کا افتتاح کرتے ہوئے اپوزیشن سماج وادی پارٹی(ایس پی)بہوجن سماج پارٹی(بی ایس پی) اور کانگریس کی حکومتوں پر ترقیاتی پروجیکٹوں کو التوا میں رکھنے کے لئے جم کر نشانہ سادھا۔ انہوں نے کہا کہ جب اس پروجیکٹ کاا ٓغاز ہوا تھا تب اس کی قیمت 100کروڑ روپے تھے آج اس پروجیکٹ کو 10ہزار کروڑ روپے کے خرچ کے ذریعہ پورا کیا گیا ہے۔
وزیر اعظم نے کہا’ پہلے کے لوگوں کی لاپروائی کی قیمت ملک کے کسانوں کو 100گنا زیاد چکانی پڑی ہے۔ اگر یہ سہولیت پہلے ملتی تو کسانوں کی زندگی تبدیل ہوگئی ہوتی کسان خوشحال ہوتا۔ اس سے پہلے وزیر اعظم مودی نے اترپردیش کی گورنرآنندی بین پٹیل، ریاست کے وزیر اعلیٰ یوگی آدتیہ ناتھ اور مرکزی وزیر برائے جل شکتی گجیندر سنگھ شیکھاوت سمیت دیگر وزراء کی موجودگی میں ریمورٹ کنٹرول کے ذریعہ سریو نہر راشٹریہ پروجیکٹ کا افتتاح کیا۔ اس موقع پر ریاست کے نائب وزیر اعلیٰ کیشو پرساد موریہ اور ریاست کے جل شکتی وزیر ڈاکٹر مہندر سنگھ سمیت دیگر وزراٗ اور سینئر افسران موجود تھے۔
اس موقع پر منعقد عوامی ریلی سے خطاب کرتے ہوئے مودی نے بلرامپور کی مقامی بھوجپوری زبان میں یہاں کے لوگوں کے ساتھ اظہار خیر سگالی کیا اور کسانوں کو سینچائی سہولیت ملنے کے لئے مبارک باد دی۔ انہوں نے کہا’ مجھے سب سے زیادہ تکلیف تب ہوتی ہے تھی جب ملک کے وسائل اور رقم کا غلط استعمال ہورہا تھا۔ یہ سوچ ملک کی ترقی کے لئے سب سے بڑی روکاوٹ تھی۔آج سے تقریبا 50سال پہلے اس نہر پروجکٹ پر کام شروع ہو ا تھا۔ آ پ سوچئیے آج یہ پروجکٹ پورا ہوچکا ہے۔
