نئی دہلی :(پریس ریلیز)
الحکمہ فاؤنڈیشن کے ذریعہ جیت پور میں بھی ضرورت مندوںمیںکمبلوں کی تقسیم پروگرام کے مہمان خصوصی معروف آرٹسٹ اورفاؤنڈیشن کےایڈوائزری بورڈ کےممبر نوید اختر کےبدست عمل میں آئی۔ اسی ہفتہ ذاکرنگر اور شاہین باغ میں بھی کمبل تقسیم کئے گئےتھے۔ ان پروگراموں کے تحت 500 لوگ مستفید ہوچکے ہیں۔ کمبلوںکی فراہمی ہمدرد نیشنل فاؤنڈیشن ( ایم آر ای سی ) کی تھی۔
اس موقع پر فاؤنڈیشن کے چیئرمین ڈاکٹرضیاءالدین ندوی نےمہمانوں کا استقبال کرتےہوئےہمدرد نیشنل فاؤنڈیشن کا شکریہ ادا کیا۔ نیزحالیہ عظیم سانحہ پر افسوس کا اظہار کیا جس میں تمل ناڈو میں ایک ہیلی کاپٹر حادثہ میںجنرل بپن راوت ، ان کی اہلیہ اور دیگر متعددافسران شہید ہوگئےہیں۔ اوران سبھی شہیدوں کی ارواح کو شانتی ملے۔ اس کے لئے دیا کی گئی۔
پروگرام کوخطاب کرتے ہوئے ڈاکٹرضیاء نےبتایا کہ تیس سال سے فاؤنڈیشن تعلیمی، صحتی، اخلاقی اور امداد باہمی نیز پرامن معاشرہ کے قیام کےلئے سرگرم عمل ہے۔ اورحتی المقدور خدمات پیش کررہی ہے۔ فاؤنڈیشن کا صدر دفترذاکر نگر ویسٹ میں واقع ہے جس میں لائبریری ،کمپیوٹر سینٹر اوربچیوں کے لئے سلائی سینٹر کے ذریعہ خدمات انجام دی جارہی ہیں۔ اوراب جیت پور میں بھی نوید اختر اوردیگرمقامی حضرات کی مدد سےلائبریری کا قیام عمل میں آیا ہے ۔ حسب ضرورت اور گنجائش یہاں بھی خدمات کے سلسلہ کوبڑھایاجائے گا۔
مہمان خصوصی نوید اختر نے اس موقع پر بولتے ہوئے فاؤنڈیشن کی خدمات کو سراہا اورالحکمہ فاؤنڈیشن سے اپنے دیرینہ تعلق کا اظہارکیا نیز اپنے تعاون کے سلسلہ کو جاری رکھنے کا یقین دلایا۔
پروگرام میں علاقہ کےسرکردہ حضرات بھی شریک ہوئے جن میں خاص طور سے مرتضیٰ اور قاری ابرار کے نام قابل ذکر ہیں۔ ان کےعلاوہ فاؤنڈیشن کی جیت پور یونٹ کےڈاکٹر ریحان ندوی، ڈاکٹرمحسن، ڈاکٹر رفیع احمد، ڈاکٹر نجم الہدیٰ،ڈاکٹرکہف الوری اور مفتی شارق نے بھی شرکت کی اور پروگرام کو کامیاب بنانے میں بھر پور دلچسپی لی۔ پروگرام کی نظامت فاؤنڈیشن کےمرکزی سکریٹری سید شعیب احمد نے کی اورمہمانوںکا شکریہ ڈاکٹرمحسن نے ادا کیا۔
