نئی دہلی: (ایجنسی)
اترپردیش اورپنجاب سمیت 5 ریاستوںکے انتخابی تیاریوں کا جائزہ لینے کے لیے شروع ہوگا۔ الیکشن کمیشن کے دورے کی شروعات پنجاب سے ہوگی ۔ پنجاب میں دو روزہ یعنی 15 اور16 دسمبرکو الیکشن کمیشن کی ٹیم دورہ کرے گی۔ چیف الیکشن کمشنر سشیل چندرا، الیکشن کمشنر راجیو کمار اورالیکشن کمشنر انوپ چندر پانڈے کےعلاوہ الیکشن کمیشن کے دیگر افسران پنجاب کا دورہ کریںگے ۔
الیکشن کمیشن اپنے دورے کے دوران پنجاب کے اعلیٰ انتظامی اور پولیس افسران سے ملاقات کرے گا۔ الیکشن کمیشن تمام 5 ریاستوں کا انتخابی دورہ کرے گا، جس کے بعد تیاریوں کا جائزہ لینے کے بعد تاریخوں کا اعلان کیا جائے گا۔
یوپی کا دورہ دسمبر مہینے کے آخرمیں !
الیکشن کمیشن دسمبر کے آخر میں یوپی کا دورہ کرے گا اور اترپردیش کے تمام عہدیداروں سے ملاقات کرے گا اور انتخابی تیاریوں کا جائزہ لے گا۔ اتر پردیش میں کئی مرحلوں میں ووٹنگ ہوتی ہے اور اس بار بھی سات سے زیادہ مرحلوں میں ووٹنگ کا امکان ہے۔
اگلے ماہ اعلان، ووٹنگ اور ووٹوں کی گنتی فروری اور مارچ میں۔ انتخابی عمل جنوری کے مہینے میں شروع ہوگا۔
یوپی میں 403 اسمبلی سیٹیں، پنجاب کی 117 سیٹیں، گوا کی 40 سیٹیں، منی پور کی 60 سیٹیں اور اتراکھنڈ میں 70 اسمبلی سیٹیں ہیں۔ تمام نشستوں پر انتخابات 15 مارچ سے پہلے مکمل ہو جائیں گے۔
