بنگلور:(ایجنسی)
سادھوی سرسوتی نے لوگوں سے اپیل کی ہے کہ وہ اپنی گائے اور پریوار کی حفاظت کے لیے تلوار لے کرچلیں۔ کہا جا رہاہے کہ وہ وشوہندو پریشد ( وی ایچ پی) کی لیڈر بھی ہیں۔ وی ایچ پی کے ذریعہ منعقد ایک پروگرام میں سادھوی سرسوتی نے کہاکہ لوگوںکو فونپر لاکھوں خرچ کرنےکےبجائے گایوں کی حفاظت یقینی کرنے کےلیے تلواریں اورہتھیار خریدنے چاہئیں۔
سادھوی نے کہا کہ اگر لوگ لاکھوں روپے کے فون خرید سکتے ہیں تو وہ یقینی طور پر اپنی گایوں کی حفاظت کے لیے ہتھیار خرید کر گھر میں رکھ سکتے ہیں۔ انہوں نے کہا کہ یہ اس بات کو یقینی بنائے گا کہ لوگ اپنی ’دیوی ماں‘ کو گائے کے ذبیحہ سے محفوظ رکھیں گے۔
اڈپی ضلع میں ایک اجتماع سے خطاب کرتے ہوئے سادھوی نے یہ بھی کہا کہ وہ گئو شالا میںپیداہوئی تھی اورگئو کشی کو روکنا ان کا فرض ہے ۔ سادھوی نے کہا، ’جس دن میں پیدا ہوئی تھی، میرے دو سنکلپ تھے ۔ ایک بھگوان رام کے لیے مندر بنانےکا اور دوسرا ہندوستان میں گائے کے ذبیحہ کو ختم کرنا۔
