’دماغ خراب ہے کیا سا….‘ سوال پوچھنے پر مرکزی وزیراجے مشراٹینی نے جرنلسٹوں کو گالیاں دیں،ہاتھا پائی کی کوشش

نئی دہلی :(ایجنسی)

مرکزی وزیر مملکت برائے داخلہ اجے مشرا ٹینی لکھیم پور تشدد کیس میں بیٹے آشیش مشرا مونو پر قتل کی کوشش اور آرمس ایکٹ کے نفاذ کے بعد اپنا آپا کھوچکے ہیں۔تکونیہ تشدد کیس میں بیٹے آشیش مشرا کو پھنستے دیکھ کر صحافیوں کے سوال پر برہم اجے مشرا ٹینی نے میڈیا اہلکاروں پر غصہ نکالا اور ان کے ساتھ بدسلوکی کی۔ اس دوران اجے مشرا کو دہلی طلب کیا گیا ہے۔

لکھیم پور کے تیل میں آئیل میں مدر چائلڈ کیئر کے آکسیجن پلانٹ کاافتتاح کرنےپہنچےمرکزی وزیر مملکت اجے مشرا ٹینی سے جب بیٹے آشیش مشرا سے متعلق سوال پوچھا گیا تو انہوں نے کہا، ‘یہی سا#……&جو میڈیا والے ہیں نا ،ایک بےقصور آدمی کو پھنسایا ہے۔ شرم نہیں آتی ہے کتنے گندے لوگ ہیں… ہاسپیٹل ہے، سب ہے،یہ نہیں دکھائی دیتا ہے ۔ ‘

وزیر اجے مشرا ٹینی نے صحافی پر ہاتھ اٹھانے کی کوشش کی۔

بدھ کو جب صحافیوں نے مرکزی وزیر مملکت برائے داخلہ اجے مشرا ٹینی سے ایس آئی ٹی رپورٹ پر سوالات پوچھے تو وہ غصے میں آگئے۔ انہوں نے کہا، ‘جا کر ایس آئی ٹی سے پوچھو، یہ توتمہارے میڈیا والے ہیں نا ،انہیں سا………. نے ایک بے قصور آدمی کو پھنسایا ہے۔ شرم نہیں آتی ہے۔ کتنےگندے لوگ ہیں،کیا جاننا چاہتےہو……. ایس آئی ٹی سے نہیں پوچھے………‘

جو ویڈیو سامنے آئی ہے اس میں مرکزی وزیر مملکت برائے داخلہ اجے مشرا ٹینی نے صحافی پر ہاتھ اٹھانے کی بھی کوشش کی، لیکن ساتھ کھڑے لوگوں نے انہیں روک دیا۔ اس کے بعد ایک بار پھر اجے مشرا ٹینی نے صحافیوں کے ساتھ بدسلوکی کی۔

لکھیم پور تشدد کے اہم ملزم آشیش مشرا سمیت تمام 13 ملزمین کی مشکلات بڑھ گئی ہیں۔ تفتیشی افسر کی درخواست پر عدالت نے منگل کو تمام ملزمان پر قتل، غیر ارادتاًقتل اور لاپروائی سے گاڑی چلانے کی دفعات ہٹاتے ہوئے قتل کی کوشش اور لائسنس کے اسلحے کے غلط استعمال کی دفعات کومنظور ی دے دی ہے ۔

معاملے کی جانچ کررہے ایس آئی آٹی کے انسپکٹر ودیا رام ردیواکرنے اپنی جانچ میں لاپروائی سے گاڑی چلانے کی دفعہ 279، سنگین چوٹ پہنچانے کی دفعہ 338، اور غیر ارادتاً قتل کی فعہ 304Aکو خارج کرکے ملزمین پر قتل کی کوشش 307، خطرناک اسلحے سے لیس ہو کر چوٹ کرنے کی دفعہ 326، ایک منصوبہ بند سازش کےتحت واقعہ کو انجام دینے کی دفعہ 3/25/30آرمس ایکٹ کو شامل کرنے کی کورٹ میں عرضی ڈالی تھی۔ سی جے ایم نے سماعت کے بعد ان دفعات کومنظور کرتے ہوئے تمام ملزمین کا وارنٹ بنایا ہے۔

ایس آئی ٹی تفتیشی افسر نے جس طرح عدالت میں درخواست دے کر قتل کی کوشش اور واقعہ کو انجام دینے جیسی دفعات کو بڑھایا ہے، اس سے یہ ضرور کہا جا سکتا ہے کہ لکھیم پور تشدد کیس میں پولس جلد ہی چارج شیٹ داخل کرنے والی ہے۔ پولیس اس چارج شیٹ میں آشیش مشرا ، ان کے دوست انکت داس اور دیگر ملزمان کے خلاف سازش کے تحت قتل اور لائسنس یافتہ اسلحہ کے غلط استعمال جیسی سنگین دفعات شامل کر سکتی ہے۔