فریدآباد :(محمد صابر قاسمی)
ضلع جمعیۃ علماء حلقہ دھوج و فریدآباد کے ارکان و ذمہ داران کی قصبہ دھوج میں مولانا ناصر حسین کی سربراہی میں مسلم نوجوانوں کی ذہنی فکری جسمانی تربیت کو لے کر میٹنگ کا انعقاد کیا گیا، جس میں ضلع کے فعال نوجوان اور فکرمند احباب جمع ہوئے۔ میٹنگ کا انعقاد مولانا قاسم صدر جمعیۃ علماء حلقہ دھوج، مولانا فخر الدین شاہی امام قصبہ دھوج، و نائب صدر جمعیۃ علماء دھوج اور ناصر حسين زكريا اُٹاوڑی صدر جمعیۃ علماء فریدآباد کی رہنمائی میں منعقد ہوئی۔
ترجمان ناصر حسین زکریا اٹاؤڑی نے بتایا کہ میٹنگ میں نوجوانوں میں پھیل رہی برائیوں کے سد باب اور ان کو جسمانی صحت کے حوالے سے بیدار اور فکرمند کرنے کے حوالے سے لائحہ عمل تیار کیا گیا۔اس کے لیے نوجوانوں کو بھارت اسکاؤٹس جمعیۃ یوتھ کلب سے وابستہ کرنے کے لیے شرکاء میٹنگ سے مشاورت کے بعد ایک طویل المدتی پروگرام ترتیب دیا گیا۔
اس موقع پر سبھی شرکاء نے اپنا اپنا اظہار خیال کرکے نوجوانوں کی ذہنی فکری و جسمانی اور ان کی صحت کی فکر لینے کا عہد کیا۔ اس موقع پر ضلع جمعیۃ علماء ہند گڑگاؤں کے صدر مفتی محمد سلیم قاسمی، قاری اسلم بڈیڈوی، مولانا ناصر حسین زکریا اٹاؤڑی نے بتایا کہ اب یہ اصلاحی و افراد سازی مہم آئے دن تیز تیز تر ہوتی رہے گی ،جس میں پہلے مرحلے میں قصبہ دھوج اور اطراف کے علاقے کے بچے تربیت میں حصہ لے رہے ہیں۔ انہوں نے بتایا کہ دھوج اور اس کے قرب و جوار کے ائمہ و علماء کرام اور نوجوانوں کا جذبہ کا تعاون کا اہم کردار رہے گا۔ مولانا ناصر قاسمی نے بتایا کہ مشاورتی میٹنگ میں ہر ایک فرد کو اس کی صلاحیت کے اعتبار سے محدود وقت کے تعین کے ساتھ ذمہ داریاں سونپی گئیں۔
میٹنگ میں مولانا زکریا امام نچلی مسجد دھوج، قاری امام الدین امام سروہی، مولانا عبد المنان مولانا رمضان، بھائی صابر قریشی، حاجی ساجد، قریشی، بھائی شاہرخ، بھائی طالب، شان محمد ٹیلر، بھائی شہاب الدین قریشی، باب الدین میڈیکل اسٹور، بھائی راشد ، بھائی تنسیل احمد، بھائی آزاد عرف زیدی جکھوپور، بھائی اظہر الدین جکھوپور، ڈاکٹر محسن سروہی وغیرہ نے بطور خاص شرکت کی، مجلس کا اختتام مولانا فخر الدین کی دعا پر ہوا۔
