نئی دہلی :(ایجنسی)
وزارت داخلہ نے مدر ٹریسا مشن آف چیریٹی کا ایف سی آر اے لائسنس بحال کر دیا ہے۔ وزارت داخلہ نے کہا ہے کہ اس ادارے کا ایف سی آر اے لائسنس 7 جنوری کو بحال کیا گیا ۔
بتادیں کہ بیرون ملک سے چندہ حاصل کرنے کے لیے ایف سی آر اے کا لائسنس ہونا ضروری ہوتا ہے۔
ہندوستان میں اس وقت 16819 این جی اوز ہیں جن کے پاس ایف سی آر اے لائسنس ہے۔ ان این جی اوز نے اپنے لائسنسوں کی تجدید کرائی ہے۔ مدر ٹریسا مشنریز آف چیریٹی کے لائسنس کی تجدید نہ کرنے پر تنازع کھڑا ہو گیا تھا۔ تنظیم کے مطابق انہیں کہا گیا تھا کہ تنازع حل ہونے تک اپنا کوئی بھی غیر ملکی امدادی اکاؤنٹ استعمال نہ کریں۔
