ہندو،مسلمان اور اویسی کے بغیر بی جے پی نہیں چل سکتی ،ایم آئی ایم کا پلٹ وار

لکھنؤ:(ایجنسی)

اترپردیش کے آئندہ اسمبلی انتخابات کو لے کر ملک کی سب سے بڑی بحث ایجنڈا اترپردیش میں وزیر اعلیٰ یوگی آدتیہ ناتھ کے ذریعہ اٹھائے گئے سوالوں پر آل انڈیا مجلس اتحاد المسلمین کے ترجمان عاصم وقار نے پلٹ وار کیا ہے۔ نیوز 18 کے ساتھ خاص بات چیت میں انہوں نے کہا کہ بی جے پی پولرائزیشن کی سیاست کرتی ہے۔ ہندو-مسلمان اور اسدالدین اویسی کے بغیر ان کا کام ہی نہیں چل سکتا۔

رام کے ساتھ ہی رحیم بھی ہیں، رام کے بغیر رحیم نہیں ہوسکتا۔ جو لوگ رام کی مخالفت کرتے ہیں، وہ طالبانی کرن کے حامی ہیں۔ ایجنڈا اترپردیش میں وزیراعلیٰ یوگی آدتیہ ناتھ کی کہی اس بات پر جب اے آئی ایم آئی ایم ترجمان عاصم وقار سے ردعمل مانگا گیا تو انہوں نے کہا، ’یہ بالکل حقیقت ہے کہ رام کے بغیر رحیم نہیں ہے۔ دونوں ہی ہیں۔ یہ بھی سچ ہے کہ جس ایشور-اللہ کو سب پوجتے ہیں، اسی ایشور-اللہ نے شیطان بھی بنایا ہے، جہاں رحیم ہوگا، وہاں شیطان بھی رہتا ہے اور شیطان کا کام ہوتا ہے لوگوں کو بھٹکانا۔