لکھنؤ :(ایجنسی)
حیدرآباد کے رکن پارلیمنٹ اور آل انڈیا مجلس اتحاد المسلمین (اے آئی ایم آئی ایم) پارٹی کے سربراہ اسد الدین اویسی نے اتر پردیش اسمبلی انتخابات کے لیے امیدواروں کی آٹھویں فہرست جاری کی ہے۔ یہ فہرست ’بھاگیداری پریورتن مورچہ‘ کے تحت جاری کی گئی ہے۔
اس فہرست میں اے آئی ایم آئی ایم نے 4 امیدواروں کے ناموں کا اعلان کیا ہے۔ 4 امیدواروں میں سے ایک ہندو ہے ،جبکہ باقی 3 امیدوار مسلم کمیونٹی سے ہیں۔
بستی ضلع کی رودھولی سیٹ سے ڈاکٹرنیلال الدین کو ٹکٹ دیا گیاہے۔ جبکہ کشی نگر کی پڈرونا سیٹ سے جاوید یونس خاں کو اتارا گیا ہے ۔ کانپور نگر کی سیسماؤ اسمبلی سیٹ ریا صدیقی کو میدان میں ہیں۔ اس لسٹ کے واحد ہندوامیدوار ببلو سنگھ ’گلڈی‘ جنہیں فیروز آباد سےٹکٹ دیا گیاہے۔
سیسماؤ اور فیروز آباد سے پہلے کسی اور کو میدان میں اتارا گیاتھا، جن کی جگہ پر ریا صدیقی اور ببلو سنگھ ’گلڈی‘ کو ٹکٹ دیا گیا ہے۔
بتادیں کہ اتر پردیش اسمبلی انتخابات کے لیے ایک نیا اتحاد’’بھاگیداری پریورتن مورچہ‘ تشکیل دیا گیا ہے۔ اس اتحاد میں اسد الدین اویسی کی پارٹی اے آئی ایم آئی ایم، بابو سنگھ کشواہا کی پارٹی جن ادھیکار پارٹی اور وامن میشرم کی بی اے ایم سی ای ایف (بیک ورڈ اینڈ مائنارٹی کمیونٹی ایمپلائز فیڈریشن) شامل ہیں۔ تینوں لیڈروں نے 22 جنوری کو پریس کانفرنس کرکے اس اتحاد کا اعلان کیا تھا۔ اس اتحاد میں انتخابی نشان پتنگ پر الیکشن لڑا جائے گا۔
اویسی نے کہا کہ اگر یہ اتحاد اقتدار میں آتا ہے تو دو وزیر اعلیٰ بنائے جائیں گے۔ ایک وزیر اعلیٰ دلت جبکہ دوسرا او بی سی سماج سے ہوگا۔ یہی نہیں تین ڈپٹی سی ایم بھی بنائے جائیں گے۔
