نئی دہلی :(ایجنسی)
بھارت میں گزشتہ کچھ دنوں سے کورونا کے کیسز میں کمی آئی ہے لیکن اموات کے اعداد و شمار خوفزدہ کرنے لگے ہیں۔ گزشتہ24گھنٹے میں کورونا وائرس کے 1,61,386 نئے کیسز رپورٹ ہوئے۔ گزشتہ 24 گھنٹوں میں کورونا سے 2,81,109 صحت یاب ہوئے ہیں اور 1,733 افراد کی موت ہوئی ہے، اگر یکم فروری کے اعدادوشمار کی بات کریں تو یکم فروری کو بھارت میں کورونا کے 1,67,059 نئے کیسز سامنے آئے، 2,54,076صحت یاب اور 1192 لوگوںکی کورونا سے موت ہوئی
تین دن میں ہلاکتوں میں اضافہ
اگر ہم اعداد و شمار پر نظر ڈالیں تو ایک دن میں کورونا کے 5,673 کم کیس درج ہوئے ہیں۔ لیکن دوسری جانب اگر اموات کے اعداد و شمار کو ملائیں تو یکم فروری کو گزشتہ 24 گھنٹوں میں کورونا سے 1192 اموات ریکارڈ کی گئیں جبکہ آج 2 فروری کو کورونا سے 1733 اموات درج کی گئیں۔ یعنی کل کے مقابلے آج 541 زیادہ اموات درج کی گئیں۔
یکم فروری سے عین ایک دن قبل یعنی 31 جنوری کی بات کریں تو بھارت میں 24 گھنٹوں میں کورونا کے 2,09,918نئے کیسزدرج کیے گئے تھے۔تب 2,62,628 صحت یاب ہوئے اور 959 لوگوں کی کورونا سے موت ہوئی تھی۔ اگر ان تینوں اعداد و شمار کو دیکھا جائے تو 31 جنوری کو سب سے زیادہ کورونا کیسز درج ہوئے تھے۔ لیکن اعداد و شمار کے مطابق 31 جنوری کو کورونا سے 1000 سے کم اموات درج کی گئیں۔ جو آج اموات کے اعداد و شمار سے کم ہے۔
کورونا کے اعداد و شمار کا یہ رجحان صاف ظاہر کر رہا ہے کہ کورونا کے کیسز میں کمی آ رہی ہے لیکن اموات کی تعداد میں اضافہ ہو رہا ہے۔
