نئی دہلی:(ایجنسی)
اتر پردیش میں حملے کے ایک دن بعد اے آئی ایم آئی ایم کے سربراہ اور ایم پی اسد الدین اویسی نے جمعہ 4 فروری کو مرکزی حکومت کی طرف سے زیڈ سیکورٹی کی پیشکش کو ٹھکرا دیا۔ مرکزی حکومت کی توجہ ایوان کے فلور پر ہری دوار اور متھرا کی نفرت انگیز تقاریر کی طرف مبذول کراتے ہوئے اویسی نے کہا کہ وزارت داخلہ کو اس طرح کی بنیاد پرستی سے نمٹنے کے لیے ایک خصوصی سیل ہونا چاہیے۔
ایوان میں انہوں نے کہا کہ یہ کون لوگ ہیں جو بیلٹ پر نہیں گولی پر یقین رکھتے ہیں، جن میں اتنی نفرت ہے۔ اگر ہم اس قسم کی سیاست کو دیکھنے جا رہے ہیں جہاں ٹول پلازہ پر گولیاں چلائی جاتی ہیں، تو ہم اس قسم کی بنیاد پرستی کو دیکھ سکتے ہیں۔
میں مرنے سے نہیں ڈرتا، لیکن میں حکومت سے اپیل کرنا چاہتا ہوں کہ وہ دیکھے کہ کیا کہا گیا تھا (ہری دوار اور متھرا میں)۔ مجھے زیڈ سیکورٹی نہیں چاہیے، میں آزادی کے ساتھ جینا چاہتا ہوں، دبی ہوئی زندگی نہیں بلکہ میں اے کلاس کا شہری بننا چاہتا ہوں۔
انہوں نے مزید کہا کہ ’’آپ ان لوگوں کے خلاف یو اے پی اے کیوں نہیں لگاتے جنہوں نے ایک موجودہ ایم پی پر حملہ کیا؟ یہ نفرت ختم کرو، مجھے اے کیٹیگری کا شہری بنا دو تاکہ میں اور تم برابر ہوں۔ تعصب آپ کو نقصان پہنچائے گا اور دائیں بازو کی دہشت گردی آپ کو نقصان پہنچائے گی۔
مرکزی وزیر داخلہ امت شاہ پیر کو پارلیمنٹ میں اے آئی ایم آئی ایم کے سربراہ اور رکن پارلیمنٹ اسد الدین اویسی پر فائرنگ کے واقعہ پر تفصیلی جواب دیں گے۔
بی جے پی لیڈروں کے ساتھ دیکھی گئی ملزمین کی تصاویر
اس واقعہ میں کلیدی ملزم سچن کی تصویریں بی جے پی لیڈروں کے ساتھ دیکھی گئی ہیں۔ سچن نے 2019 میں فیس بک پر ایک پوسٹ شیئر کی تھی جس میں وہ بی جے پی لیڈر ڈاکٹر مہیش شرما کے ساتھ کھڑے نظر آرہے ہیں۔ اس کے علاوہ بی جے پی سے متعلق ایک پوسٹر پر بھی ان کی تصویر ہے۔
